डोईला मुंडावळ्या, गळ्यात हार अन्… शाही विवाहसोहळ्याचा अल्बम

छोट्या पडद्यावरील ‘देवयानी’ मालिकेमुळे प्रसिद्धीझोतात

मराठी सिनेसृष्टीतील अनेक जोड्या सध्या लग्नबंधनात अडकताना दिसत आहेत. गेल्या वर्षी अमृता-प्रसाद, स्वानंदी-आशिष, गौतमी-स्वानंद, मुग्धा-प्रथमेश यांसारख्या लोकप्रिय जोड्या विवाहबंधनात अडकल्या. यावर्षीही अनेक कलाकार बोहोल्यावर चढताना दिसत आहेत. आता त्यात आणखी एका लोकप्रिय जोडीचा समावेश झाला आहे. ‘वाळवी’ , ‘झिम्मा 2’, ‘ट्रिपल सीट’ यांसारख्या चित्रपटांतून प्रेक्षकांच्या भेटीला आलेली लोकप्रिय अभिनेत्री शिवानी सुर्वे आणि ‘सातव्या मुलीची सातवी मुलगी’ मधील अभिनेता अजिंक्य ननावरे नुकतेच लग्नबंधनात अडकले आहेत.

अभिनेत्री शिवानी सुर्वे आणि अभिनेता अजिंक्य ननावरे नुकतेच विवाहबंधनात अडकले आहेत. गुपचूप साखरपुडा केल्यानंतर त्यांनी लग्नगाठ बांधली. ठाणेमधील येऊर येथील एक्झॉटिका द ट्रॉपिकल रिट्रीट या रिसॉर्टमध्ये त्यांचा शाही विवाहसोहळा पार पडला. शिवानी-अजिंक्यच्या शाही विवाहसोहळ्याला मराठी कलाविश्वातील मंडळींनीही हजेरी लावली होती. त्यांच्या लग्नसोहळ्याचे फोटो व्हायरल झाले आहेत.

View this post on Instagram

A post shared by Shivani Surve (@iam_shivanisurve)

घोड्यावर वरात घेऊन अजिंक्य विवाहसोहळ्यात आला होता तो क्षण. आयुष्यातील या खास क्षणासाठी शिवानी आणि अजिंक्यने शाही लूक केला होता. शिवानीने बदामी रंगाचा डिझायनर लेहेंगा परिधान केला होता. तर अजिंक्यने सूट परिधान करत डोक्यावर फेटा बांधला होता. शिवानी आणि अजिंक्यने 31 जानेवारीला साखरपुडा केला. त्याचे फोटो शेअर करत त्यांनी चाहत्यांना आश्चर्याचा धक्काच दिला. त्यानंतर 1 फेब्रुवारीला अजिंक्य आणि शिवानीने विवाहबंधनात अडकत त्यांच्या नव्या आयुष्याला सुरुवात केली आहे. मित्रपरिवार आणि कुटुंबियांच्या उपस्थितीत शिवानी आणि अजिंक्यने सात फेरे घेत लग्नगाठ बांधली आहे.

अभिनेत्री शिवानी सुर्वे छोट्या पडद्यावरील ‘देवयानी’ मालिका आणि ‘बिग बॉस मराठी’ या शोमुळे प्रसिद्धीझोतात आली. छोट्या पडद्यावर यश मिळाल्यानंतर हळुहळू ती चित्रपटांकडे वळली. नुकताच तिचा ‘झिम्मा 2’ चित्रपट प्रेक्षकांच्या भेटीला आला. यामध्ये तिने साकारलेल्या भूमिकेचं सर्वत्र कौतुक करण्यात आलं. खऱ्या आयुष्यात शिवानी गेली अनेक वर्षे अजिंक्य ननावरेला डेट करत आहे. या दोघांची पहिली भेट ‘तू जीवाला गुंतवावे’ या मालिकेच्या सेटवर झाली होती. पुढे दोघांच्या मैत्रीचं रुपांत प्रेमात झालं. 2017 पासून शिवानी-अजिंक्य एकत्र होते. अखेर आज ही लोकप्रिय जोडी लग्नबंधनात अडकली आहे.
Shivani Surve Engagement
Shivani Surve Engagement

Shivani Surve Engagement