Robotic Ambulance Video : तयार केला खास रोबोट; युद्धक्षेत्रात सैनिकांना अशी करतोय मदत

युद्धात जखमी झालेल्या सैनिकांना वाचवण्यासाठी एक खास रोबोट

Russian Robotic Ambulance Video : रशिया आणि युक्रेनमध्ये अजूनही युद्ध धुमसत असून दोन्ही देशांकडून एकमेकांवर सातत्याने हल्ले केले जात आहेत. आतापर्यंत या युद्धात शेकडो लोकांचा जीव गेला आहे. यात दोन्ही देशांमधील सैनिकांचा देखील समावेश आहे. दरम्यान, युक्रेनसोबतच्या युद्धात जखमी झालेल्या सैनिकांना वाचवण्यासाठी रशियाने एक खास रोबोट तयार केला आहे. हा रोबोट युद्धात जखमी झालेल्या सैनिकांना तातडीने उपचारासाठी मदत करणार आहे.

तसेच तो युद्धभूमीतून जखमी सैनिकांना बाहेर देखील काडणार आहे. या रोबोटचा एक व्हिडीओ सोशल मीडियावर शेअर करण्यात आला आहे. व्हिडिओमध्ये एक रोबोट जखमी सैनिकाला स्लाइडरवर ठेवून उपचासाठी घेऊन जाताना दिसत आहे. विशेष बाब म्हणजे हा रोबोट उंच ढिगाऱ्यावर आणि खडबडीत पृष्ठभागावरही सहज फिरताना दिसत आहे. रशियाने या रोबोटचे नाव ब्रातिशका ठेवले आहे. ब्रातिशका या नावाचा अर्थ लहान भाऊ असा असून तो युद्धक्षेत्रात जखमी झालेल्या सैनिकांना वेळेवर मदत करेल. सध्या डॉनबासच्या युद्धक्षेत्रातही हा रोबोट वापरला जात आहे.

Russians are testing Bratishka unmanned ground vehicle, designed to evacuate the wounded and transport ammunition pic.twitter.com/qSdIm5Rggt

— Clash Report (@clashreport) January 17, 2024

डॉनबासमध्ये तैनात असलेल्या एका अनुभवी कमांडरने सांगितले, की या रोबोटचा वापर विविध परिस्थितींमध्ये केला जाऊ शकतो. रोबोट सैनिकांना युद्धात मदत करून त्यांच्यापर्यंत शस्त्र देखील पोहचवू शकतो. ब्राटिश्का कॉन्स्टँटिन नावाच्या रशियन रोबोटिक्स इंजिनिअरने हा रोबोट तयार केला आहे. या रोबोटची लांबी 1.2 मीटर असून त्याचे वजन सुमारे 200 किलो आहे. रोबोटमध्ये एक कॅमेरा बसवण्यात आला आहे. या रोबोटची वजन उलण्याची क्षमता 150 किलोपर्यंत आहे. एकदा चार्ज केल्यानंतर तो 5 ते 6 तास सतत काम करू शकतो. हा रोबो ताशी 10 किलोमीटरचा प्रवास करू शकतो.

Robotic Ambulance Video

Robotic Ambulance Video