बेळगाव : @कॅम्प हाय स्ट्रीट रोडला शिवाजी महाराजांचे नाव

बेळगाव—belgavkar—belgaum : कॅम्प येथील हाय स्ट्रीट रोडला छत्रपती शिवाजी महाराजांचे नाव द्यावे आशयाचे निवेदन श्रीराम सेना हिंदूस्थान व कॅम्पमधील रहिवाशांकडून कॅन्टोन्मेंट बोर्डला सादर करण्यात आले. कॅन्टोन्मेंट बोर्ड अभियंता सतीश मण्णूरकर यांनी निवेदन स्वीकारले.

ब्रिटिश काळातील रस्त्यांची नावे बदलून छत्रपती शिवाजी महाराज व वीर सैनिकांच्या नावे देण्याचा निर्णय अलीकडेच कॅन्टोन्मेंट बोर्डनं घेतला आहे. सदर निर्णयाला काही संघटनांनी आक्षेप घेतल्याचे वृत्त पसरले होते. सदर आक्षेपांचा विचार न करता कॅन्टोन्मेंट बोर्डने घेतलेला निर्णय योग्य असून तो निर्णय कायम ठेवावा, अशा आशयाचे निवेदन कॅन्टोन्मेंट बोर्डला देण्यात आले.

यावेळी श्रीराम सेना हिंदुस्थानचे दक्षिण विभाग सेक्रेटरी सुमित मोरे, कॅम्पमधील श्रीराम सेना हिंदूस्थानचे प्रमुख रोहन दोषी, ख्रिस्तियानो परेरा, मेरी जोजी, येसय्या गोटेमकुल आदी उपस्थित होते.

belgaum shivaji maharaj road name camp

belgaum shivaji maharaj road name camp