अबबब…!!! अशी गार पाहिलीच नसणार, गारपीटचे हे Photo पाहून व्हाल थक्क

महाराष्ट्र : विदर्भात झालेल्या गारांचा पाऊस प्रचंड प्रमाणात होता. यामुळे 15 तासानंतर ही गारांचा खच अद्याप शेत शिवारात कायम आहे. शेतशिवारातील या गारा अद्याप विरघळल्या नाहीत. यामुळे शेतकऱ्यांना त्या उचलून पिकांमधून दुसऱ्या ठिकाणी न्यावी लागत आहे. सोमवारची रात्र बुलढाणा जिल्ह्यासाठी प्रामुख्याने रब्बी पिकांसाठी प्रलयकारी ठरली…! जोरदार अवकाळी पावसासह गारपिटीने रब्बी पिके, भाजीपाला व फळबागांचे मोठे नुकसान झाले. निसर्गाच्या या प्रकोपातून मुके जीवसुद्धा वाचले नसल्याचे दुर्देवी वृत्त आहे.

बुलढाणा जिल्ह्यातील देऊळगाव राजा तालुक्याला सीड हब म्हणून ओळख आहे. मात्र वादळी वाऱ्यासह झालेल्या अवकाळी पावसाने आणि गारपिटीने तालुक्यातील अनेक शेतकऱ्यांचे शेडनेट उन्मळून पडली आहेत. पिकांचे कोट्यवधी रुपयाचे नुकसान झाले. देऊळगाव राजा तालुक्यात असलेल्या आळंद येथे गारपीट आणि अवकाळी पाऊस झालाय. निबांच्या आकाराच्या गारी पडल्या. 15 तासानंतर ही गारांचा खच अद्याप कायम आहे. शेतांमध्ये साचलेल्या या गारा अद्याप विरघळल्या नाहीत.

शेतातील गारांचा खच एकत्र झाल्याने जवळपास 40 ते 50 किलोची गार तयार झाली आहे. ही गार पाहण्यासाठी शेतकऱ्यांनी गर्दी केलीय. तसेच मुख्यमंत्री एकनाथ शिंदे यांनी दिलेल्या आदेशानंतर नुकसानीची पंचनामे सुरु झाले आहे. बुलढाणा जिल्ह्यातल्या सिंदखेड राजा तालुक्यात झालेल्या अवकाळी पावसाने आणि गारपीटने शेतकऱ्यांच्या पिकांचे मोठे नुकसान झाले आहे. सिंदखेड राजा तालुक्यातील गहू हरभरा मकासह संत्रांपिकांचे सुद्धा गारपीटने नुकसान झाले आहे.

बोराच्या आकारापासून मोठ्या आकाराच्या गारांच्या वर्षावाने पिके, भाजीपाला जमीनदोस्त झाला. सोंगलेल्या पिकांची अतोनात हानी झाली. बुलढाणा जिल्ह्यात झालेल्या नुकसानीची आमदार डॉ. राजेंद्र शिंगणे यांनी पाहणी केली. त्यांनी नुकसानग्रस्त शेतकऱ्यांना नुकसान भरपाई मिळवून देण्याचे आश्वासन दिलेय. तसेच पंचनामा करण्यासाठी आलेल्या कर्मचाऱ्यांना सुद्धा त्यांनी योग्य पद्धतीने पंचनामा करण्याच्या सूचना दिल्या आहेत.

Photos of Hailstorm in Vidarbha
Photos of Hailstorm in Vidarbha

Photos of Hailstorm in Vidarbha