Fact Check : सट्टा बाजाराच्या नावाने व्हायरल होणारी ‘लोकसभेची भविष्यवाणी’ FAKE

• Phalodi Satta Bazar
• Fake News24 Graphic Claims Satta Bazaars Predict Win For INDIA Bloc
• Phalodi Satta Bazar predicts a clear majority for BJP in Lok Sabha elections

देशभरात लोकसभा निवडणुका सुरू आहेत, लोकसभा निवडणुकीतील शेवटच्या टप्प्यातील मतदान 1 जून रोजी होत असून 4 जून रोजी लोकसभेचे निकाल समोर येणार आहेत. या पार्श्वभूमीवर अनेकांनी निकालाचे दावे करण्यास सुरुवात केली आहे. देशातील  सट्टा बाजारांनीही विजयाचे आकडे सांगितले आहेत. दरम्यान, सोशल मीडियावर ‘न्यूज24’ या चॅनेलचे एक ग्राफीक्स व्हायरल झाले आहे. यात इंडिया आघाडी आघाडी घेईल असं सांगितलं आहे.

या ग्राफिकमध्ये, विविध सट्टेबाजी बाजारांच्या संदर्भात अंदाज दिले आहेत. या अंदाजानुसार लोकसभा निवडणुकीत भाजप आणि एनडीएच्या जागांमध्ये घट झाली आहे, तर काँग्रेसच्या नेतृत्वाखालील इंडिया आघाडीला जागा वाढल्याचा दावा केला आहे.  लोकसभेतील बहुमताचा आकडा 272 आहे. ग्राफिकमध्ये फलोदी, पालनपूर, कर्नाल, बोहरी, बेळगाव, कोलकाता, विजयवाडा येथे एनडीए आणि विरोधी आघाडी यांच्यात मोठी लढत होण्याची शक्यता वर्तवली आहे. तर इंदूर सराफ आणि सुरत माघोबी यांनी एनडीएला स्पष्ट बहुमत दिले आहे.

BOOM ला त्याच्या तथ्य तपासणीत हे ग्राफिक बनावट असल्याचे आढळले. ‘न्यूज 24’चे कार्यकारी संपादक मानक गुप्ता यांनीही सोशल मीडियावर याबाब पोस्ट करून या ग्राफिकचे खंडन केले आहे.
लोकसभा निवडणुकीचे निकाल 4 जून रोजी जाहीर होणार आहेत. सोशल मिडिया प्लॅटफॉर्म’एक्स’वर हे ग्राफिक शेअर करत एका युजरने लिहिले की,’देश बदलाकडे वाटचाल करत आहे. देशातील 2024 च्या लोकसभा निवडणुकीच्या सट्टेबाजीने भाजप नेत्यांची झोप उडवली आहे. इंडिया आघाडीकडून लोकांच्या अपेक्षा वाढत आहेत, शेवटचा टप्पा बाकी आहे, भाजपच्या जागा आणखी कमी होतील आणि युतीच्या जागा वाढतील.#FilmyModi #INDIA.

याशिवाय अनेक काँग्रेस नेते आणि समर्थकांनीही या बनावट ग्राफिकचे आकडे खरे असल्याचे समजून शेअर केले आहेत. इकडे, इकडे पहा.
फॅक्ट चेक : व्हायरल ग्राफिक काळजीपूर्वक पाहिल्यानंतर, आम्हाला आढळले की त्यावरील News 24 लोगो खरा नाही.
पुढे, आम्हाला व्हायरल कमेंट सेक्शनमध्ये ‘न्यूज 24’ चे पत्रकार मानक गुप्ता यांचे उत्तर सापडले, तिथे त्यांनी सांगितले की न्यूज 24 ने अशी कोणतीही स्टोरी केलेली नाही.

याशिवाय, मानक गुप्ता यांच्या एक्स हँडलवर आम्हाला या संबंधित आणखी एक पोस्ट सापडली. या पोस्टमध्येही हे व्हायरल ग्राफिक शेअर करताना त्यांनी हे बनावट असल्याचे लिहिले होते.
न्यूज वेबसाइट ईटीव्ही भारतच्या मते, नुकताच फलोदी सट्टा बाजारने एक अंदाज जारी केला. या अंदाजात भाजपला 306-310 जागा आणि एनडीए आघाडीला 346-350 जागांसह स्पष्ट बहुमत मिळण्याची शक्यता त्यांनी व्यक्त केली आहे.
(सदर फॅक्ट चेक Boom Live या वेबसाइटने प्रसिद्ध केलं आहे. ‘शक्ती कलेक्टिव्ह’चा भाग म्हणून त्याचा अनुवाद केला आहे.)

Phalodi Satta Bazar majority for BJP
Phalodi Satta Bazar majority for BJP

Phalodi Satta Bazar majority for BJP

Phalodi Satta Bazar majority for BJP