KGF actor Yash birthday : अभिनेता यश याच्या वाढदिवशी 3 चाहत्यांच्या मृत्यू

अभिनेता मृत व्यक्तींच्या कुटुंबियांना भेटला आणि… @कर्नाटक

कर्नाटक : सुपरस्टार यश (KGF actor Yash birthday) याच्या वाढदिवशीच 3 चाहत्यांचं निधन झालं (birthday). यश याच्या चाहत्यांच्या निधनानंतर सर्वत्र खळबळ माजली आहे. संबंधीत धक्कादायक घटना अभिनेत्याच्या वाढदिवशीच घडल्यामुळे सर्वत्र चर्चा सुरु आहे. मिळालेल्या माहितीनुसार, 3 चाहत्यांच्या निधनाची माहिती कळताच यश याने मृत चाहत्यांच्या कुटुंबियांची भेट घेतली. अभिनेत्याचा एक व्हिडीओ सोशल मीडियावर तुफान व्हायरल होत आहे. अभिनेत्याच्या व्हिडीओ नेटकरी लाईक्स आणि कमेंट करत दुःख व्यक्त करत आहे . सध्या सर्वत्र फक्त आणि फक्त यश आणि अभिनेत्याच्या मृत पावलेल्या तीन चाहत्यांची चर्चा रंगली आहे.

एएनआयने यश याचा व्हिडीओ एक्सवर (ट्विटर) पोस्ट केला आहे. व्हिडीओमध्ये अभिनेता मृत चाहत्यांच्या कुटुंबियाना भेटताना दिसत आहे. कर्नाटकातील गदग येथे पोहोचून तीन मृत चाहत्यांच्या कुटुंबीयांची भेट यश याने घेतली. व्हिडिओमध्ये अभिनेता कारमध्ये बसलेला दिसत आहे आणि त्याच्याभोवती मीडिया आणि लोकांची गर्दी दिसत आहे. यश याच्या चाहत्यांची संख्या फार मोठी आहे. अभिनेत्याची एक झलक पाहण्यासाठी चाहते कायम उत्सुक असतात. आपल्या आवडत्या अभिनेत्याचा वाढदिवस असल्यामुळे चाहत्यांमध्ये आनंदाचं वातावरण होतं. सांगायचं झालं तर, दरवर्षी यश याच्या वाढदिवसाच्या निमित्ताने चाहते मोठे बॅनर लावतात. यंदाच्या वर्षी देखील चाहत्यांचा तोच प्रयत्न होता.

पण यश याच्या वाढदिवसाच्या दिवशी जे नको व्हायला हवं होतं तेच झालं. यश याचे बॅनर लावत असताना अभिनेत्याच्या 3 चाहत्यांचं निधन झालं आहे. 8 जानेवारी 2024 रोजी पहाटे बॅनर लावत असताना यश याच्या चाहत्यांना अचानक विजेचा धक्का बसला आणि त्यांचा जागीच मृत्यू झाला. कर्नाटकातील गदग जिल्ह्यातील लक्ष्मेश्वर तालुक्यातील सुरंगी गावात दुर्दैवी अपघात झाला. अपघातात तीन जण गंभीर जखमी झाले होते. पोलिसांनी दिलेल्या माहितीनुसार, हनुमंत हरिजन (24), मुरली नाडू विनमणी (20), नवीन गाझी (20) अशी मृतांची नावे आहेत. आणखी तीन चाहते गंभीर जखमी असून त्यांच्यावर रुग्णालयात उरचार सुरु आहेत.

#WATCH | Actor Yash reaches Hubballi on his way to Gadag to meet the family of his three fans who died due to electrocution while putting up birthday banners#Karnataka pic.twitter.com/ABIS5aJYBM

— ANI (@ANI) January 8, 2024

KGF actor Yash birthday