निवडणुका संपताच हिंसाचार; घरावर फेकला बॉम्ब, भाजप कार्यालयाची तोडफोड

लोकसभा निवडणुकीचे निकाल समोर आले असून सलग तिसऱ्यांदा मोदी सरकार स्थापन होणार आहे. पश्चिम बंगालमध्ये टीएमसीने भाजपवर मात केली आहे. TMC ने भाजपचा 29-12 ने पराभव केला. आता निवडणुका संपल्यानंतर बंगालमध्ये हिंसाचार सुरू झाला आहे. बुधवारी अनेक भागात अनेक घटना घडल्याचे पोलिस अधिकाऱ्यांचे म्हणणे आहे. कूचबिहारमध्ये भाजपच्या एका कार्यकर्त्यावर टीएमसीशी संबंधित लोकांनी बंदुकीने हल्ला केला. या घटनेचा व्हिडिओही समोर आला आहे. दुसरीकडे, नादियातील टीएमसी युवा नेत्याच्या घरावर क्रूड बॉम्ब फेकण्यात आले. तर 24 परगणामध्ये काही लोकांनी भाजप कार्यकर्त्यांच्या घरांची आणि कार्यालयांची तोडफोड केली.

लोकसभा निवडणुकीचे निकाल जाहीर झाले त्यानंतर लगेचच एका दिवसात बुधवारी राज्यभरातून मतदानोत्तर हिंसाचाराच्या अनेक घटना घडल्या, असे पोलिसांनी सांगितले आहे. कूचबिहार जिल्ह्यातील नताबडी भागात भाजपच्या एका कार्यकर्त्यावर टीएमसी समर्थकाने बंदुकीने हल्ला केल्याची घटना घडली आहे. ते म्हणाले की, कथित घटनेच्या व्हिडिओमध्ये स्थानिक रहिवासी बंदुक घेऊन पळत असलेल्या टीएमसी कार्यकर्त्याचा पाठलाग करताना दिसत आहेत.

TMC नेत्याच्या घरावर फेकले बॉम्ब, भाजप कार्यालयाची तोडफोड दुसरीकडे, शांतीपूर, नादिया येथे एका तरुण : टीएमसी नेत्याच्या घरावर क्रूड बॉम्ब फेकण्यात आल्याचा आरोप आहे. तर उत्तर 24 परगणा जिल्ह्यातील भाटपारा येथे काही लोकांनी भाजप कार्यकर्त्यांच्या घरांची तोडफोड केल्याचा आरोप आहे. जिल्ह्यातील एका वेगळ्या घटनेत, मध्यग्राम भागातील डझनहून अधिक घरे आणि भाजप कार्यालयाची काही लोकांनी तोडफोड केल्याचा आरोप पोलिसांनी केला आहे. पोलिसांनी दिलेल्या माहितीनुसार, परिस्थिती नियंत्रणात आणण्यासाठी केंद्रीय दले घटनास्थळी दाखल झाली आहेत. सैनिक निघून जाताच आरोपी परतले आणि त्यांनी पुन्हा परिसरात तोडफोड केली.

भाजप आणि तृणमूल काँग्रेसमध्ये संघर्ष : भाजपने टीएमसीला दोष देताना, सत्ताधारी पक्षानेही दावा केला आहे की, भाजपमधील प्रतिस्पर्धी गटांमधील वादामुळे हा संघर्ष झाला. दक्षिण 24 परगणा जिल्ह्यातील हावडा आणि नरेंद्रपूर येथे अशाच घटना घडल्या, जिथे भाजप कार्यकर्त्यांच्या घरांची कथितपणे तोडफोड करण्यात आली, असे पोलिसांनी सांगितले. दुर्गापूरमध्ये सीपीआय(एम) नेत्याच्या मुलीच्या दुकानाची कथितपणे तोडफोड करण्यात आली.

Several incidents of post-poll violence in West Bengal

Violence erupts in West Bengal
incidents of post-poll violence in West Bengal
incidents of post-poll violence in West Bengal

incidents of post-poll violence in West Bengal