जिममध्ये या भयंकर चुका करणारे लोक हार्ट अटॅकने मरतात

शो ऑफच्या नादात गमवाल जीव, ही लक्षणे दिसली तर लगेच थांबा

Why have heart attacks in gyms become common nowadays?

• Wonder why youngsters are getting heart attacks after hitting the gym?
• Avoiding Heart Attacks in the Gym : Common Mistakes to Avoid
• Gym mistakes that can put life threatening risk on the heart

आजकाल जिममध्ये जाणाऱ्यांची संख्या वाढत आहे. तंदुरुस्त राहण्यासाठी आणि परफेक्ट बॉडी मिळवण्यासाठी मुले आणि मुली फिटनेसचा हा प्रकार फॉलो करत आहेत. पण जिममध्ये व्यायाम करताना खूप काळजी घ्यावी लागते हे अनेकांना माहित नसते. जिम करताना आवश्यक ती खबरदारी न घेतल्याने शरीराची मोठी हानी होऊ शकते. काही चुका घातकही ठरू शकतात. चला अशाच काही चुकांबद्दल जाणून घेऊया ज्या सुधारून निरोगी आयुष्य जगता येऊ शकतात.

क्षमतेपेक्षा जास्त जोर लावणे : जिममध्ये जबरदस्त रिझल्ट मिळविण्यासाठी, आपल्याला लिमिट्स पुश आवश्यक आहे. पण असे असले तरी एवढेही लिमिट पुश करू नये की ते आपल्यासाठी घातक ठरेल.. आपल्या क्षमतेपेक्षा जास्त व्यायाम केल्याने हृदयावर दबाव वाढू शकतो आणि रक्तदाब वाढू शकतो. यामुळे हृदयाशी संबंधित समस्या उद्भवू शकतात.

अनकम्फर्टेबल वाटल्यावरही न थांबणे : वर्कआउट दरम्यान हृदयाच्या समस्यांच्या लक्षणांकडे दुर्लक्ष करणे ही एक मोठी चूक आहे. छातीत दुखणे, चक्कर येणे, धाप लागणे किंवा जलद हृदयाचे ठोके यासारख्या लक्षणांकडे कधीही दुर्लक्ष करू नये. ही लक्षणे दिसत असूनही व्यायाम करत राहणे घातक ठरू शकते.

योग्य पद्धतीने एक्सरसाईज न करणे : चुकीच्या पद्धतीने व्यायाम केल्याने त्याचे फायदे तर कमी होतातच पण इजा होण्याचा धोकाही वाढतो. यामुळे हृदयाला दुखापत देखील होऊ शकते. वेटलिफ्टिंग दरम्यान चुकीची टेक्निक, जसे की वेटलिफ्टिंग वेळी पाठीतून जास्त वाकणे किंवा वजन उचलताना शरीराला झटका देणे यामुळे हृदयावर आणि इतर स्नायूंवर ताण येऊ शकतो.

वॉर्मअप आणि कुल डाऊन महत्त्वाचे आहे : बरेच लोक जिममाद्ध्ये वॉर्मअप आणि कूलडाउन करणे टाळतात, परंतु ही एक मोठी चूक आहे. वॉर्म-अपचा व्यायाम स्नायूंमधील रक्ताभिसरण वाढवून शरीराला तयार करतो. त्याचप्रमाणे, व्यायामानंतर कूलडाऊन केल्याने हृदयाचे ठोके कमी होतात आणि शरीर हळूहळू आरामशीर स्थितीत येते.

जिममधील सर्वात जास्त चुका : पाणी कमी पिणे किंवा न पिणे
जास्तीत जास्त कार्डिओ करणे
रेस्ट न घेणे
ट्रेनरला मेडिकल हिस्ट्री न सांगणे

डिस्क्लेमर : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.

heart attacks in gyms
heart attacks in gyms
heart attacks in gyms

heart attacks in gyms