एका वर्षातचं नकोशी…! हॉटेल मॅनेजरने बायकोला समुद्रात बुडवलं;

पुन्हा हादरला गोवा…! हॉटेल मॅनेजरने बीचवर केला पत्नीचा खून

पोलिसांना म्हणतो आईस्क्रिम आणायला गेलो अन्

Goa hotel manager drowns wife on beach : कर्नाटकातील (बेंगळूरु) य कंपनीची सीईओ सूचना सेठ हिने गोव्यात आपल्या 4 वर्षीय मुलाची हत्या केली होती. हे प्रकरण ताजं असतानाच आणखी एक प्रकार समोर आला आहे. गोव्यातील एका लक्झरी हॉटेलच्या मॅनेजरने आपल्या पत्नीची हत्या केली आहे. पत्नी बुडून मेल्याचा बनाव त्याने करु पाहिला, पण गोवा पोलिसांनी सत्य शोधून त्याला अटक केली आहे. (Rajbagh beach in Cabo-De-Rama, Canacona region of South Goa)

मिळालेल्या माहितीनुसार, 29 वर्षीय गौरव कटियार याने आपली 27 वर्षीय पत्नी दिक्षा गंगवार हिची हत्या केलीये. काबो डी रामामधील राजबाग बीचवरील हा प्रकार आहे. दिक्षा गंगवार ही मुळची लखनऊची आहे. पाण्यात बुडून तिचा मृत्यू झाल्याचं पोलिसांना आढळलं होतं. गौरव पोलिसांना सांगत होता की, मी आईस्क्रिम आणायला गेलो होतो, येऊन पाहिलं तर माझ्या पत्नीचा बुडून मृत्यू झाला होता. पण, पोलिसांना गौरवच्या जबाबात अनियमितता दिसत होती.

पोलिसांच्या संशयानुसार, कटियारचे विवाहबाह्य संबंध होते. यावरुन पती-पत्नीमध्ये वादावादी सुरु होती. यातूनच कटियारने आपल्या पत्नीला संपवण्याचा निर्णय घेतला. विशेष म्हणजे एका वर्षांपूर्वीच त्यांचे लग्न झाले होते. त्यामुळे एका वर्षातच त्याला ती नकोशी झाली का? असा प्रश्न विचारला जात आहे. पोलिसांनी आजूबाजूचे CCTV व्हिडिओ तपासले. यात एका व्हिडिओमध्ये दिसतंय, की कटियार आपल्या पत्नीला बिचवरील खडकाळ भागात समुद्राच्या पाण्यात घेऊन जातोय. त्यानंतर तो एकटाच बाहेर येतो. परत एकदा तो खात्री करण्यासाठी पाण्यात जातो. पत्नीच्या मृत शरीरावर जखमा आढळून आल्या होत्या. त्यामुळे पोलिसांचा संशय बळावला.

गौरव कटियार हा Marriott International माध्यमातून चालवल्या जाणाऱ्या एका लक्झरी हॉटेलचा मॅनेजर आहे (restaurant manager at a luxury hotel operated by Marriott International in Colva, South Goa). त्याने शुक्रवारच्या रात्री आपल्या पत्नीला बिचवरील खडकाळ भागात नेले आणि तिथेच तिला संपवले. पोलिसांना दिलेला जबाबात तो वेगवेगळी माहिती देत होता. पोलिसांनी संशयास्पद गोष्टींचा उल्लेख केल्यानंतर त्याने तोंड उघडले. त्याच्याविरोधात कलम 302 अंतर्गत गुन्हा दाखल करण्यात आला आहे.

Goa hotel manager drowns wife on beach. Goa hotel manager drowns wife on beach

Goa hotel manager drowns wife on beach