बेळगाव : युवकाने जीवन संपवलं

Last updated: Tue-Feb-2024 11:52 AM

belgavkar 2

बेळगाव—belgavkar : तुरमुरी (ता. बेळगाव) येथील एका 36 वर्षीय युवकाने बेळगाव-वेंगुर्ला मार्गावरील तुरमुरी-बाची हद्दीलगत असलेल्या ब्रह्मदेव मंदिराच्या मागील बाजूस काजूच्या झाडाला गळफास लावून आत्महत्या केली. सदर घटना सोमवारी सकाळी उघडकीस आली. सहदेव मारुती डोंबले असे त्याचे नाव आहे. सहदेव हा पहाटे चारच्या सुमारास घराबाहेर पडल्याचे सांगण्यात येते. त्याचवेळी तलावाच्या काठावर असलेल्या झाडाच्या फांदीला गळफास लावून आत्महत्या केली असावी, असा अंदाज व्यक्त करण्यात येत आहे.

Click Here To Join WhatsApp Group

आत्महत्येचे निश्चित कारण समजू शकले नाही. सहदेव याचे 5 वर्षांपूर्वी गावातीलच मुलीशी लग्न झाले असून, त्याला साडेतीन वर्षांचा मुलगा आहे. त्याच्या पश्चात आई, वडील, पत्नी, मुलगा, चार भाऊ, बहीण असा परिवार आहे. सकाळी काही नागरिकांना तलावाच्या काठावरील झाडाला गळफास घेतल्याचे दिसताच ग्रामीण (वडगाव) पोलिस स्टेशनला कळविण्यात आले. पोलिसांनी पंचनामा केला. पोलिस पुढील तपास करीत आहेत.