बेळगाव शहर समिती कार्यकारिणी;

कार्यकर्त्यांनी कार्यकारिणीसाठी नावे द्यावीत

बेळगाव—belgavkar : सीमाप्रश्नी संघर्ष करण्यासाठी कार्यकर्त्यांची भक्कम फळी निर्माण करणे गरजेचे आहे. त्यामुळे महाराष्ट्र एकीकरण समितीच्या कार्यकर्त्यांना शहर समितीच्या कार्यकारिणीत सामावून घेतले जाणार आहे. त्यामुळे बेळगाव दक्षिण आणि उत्तर मतदारसंघातील विविध विभागांतील कार्यकर्त्यांनी कार्यकारिणीसाठी नावे द्यावीत, असे आवाहन मराठा मंदिर येथे आयोजित केलेल्या बैठकीत करण्यात आले आहे.

शहर समितीच्या कार्यकारिणीबाबत चर्चा करण्यासाठी रविवारी बैठकीचे आयोजन करण्यात आले होते. बैठकीच्या अध्यक्षस्थानी रणजित चव्हाण पाटील होते. समितीचे संघटन बळकट होणे काळाची गरज आहे. त्यामुळे विस्तारित कार्यकारिणी तयार करावी, अशी मागणी कार्यकर्त्यांतून होत आहे. त्यामुळे बेळगाव दक्षिण-उत्तर मतदारसंघातील गल्ली व गावांमधील कार्यकर्त्यांना घेऊन कार्यकारिणी तयार करणे आवश्यक आहे. त्यामुळे युवा कार्यकर्ते सागर पाटील यांनी आपल्या भागातील कार्यकर्त्यांची नावे द्यावीत अशी सूचना केली. समितीला येणाऱ्या काळात संघर्ष करावा लागेल. त्यामुळे कार्यकर्त्यांची भक्कम फळी निर्माण करणे गरजेचे आहे, असे मत गुणवंत पाटील यांनी व्यक्त केले.

यावेळी समितीचे नेते रमाकांत कोंडुसकर, नगरसेवक रवी साळुंखे, शिवाजी मंडोळकर, किरण धामणेकर, शांताराम होसुरकर, ज्ञानेश्वर मन्नूरकर, आदींनी मनोगत व्यक्त केले. वेगवेगळ्या भागांतील कार्यकर्त्यांनी नावे द्यावीत. कार्यकर्त्यांची नावे आल्यानंतर पुन्हा व्यापक चर्चा करून निर्णय घेण्यासाठी बैठकीचे आयोजन केले जाईल, अशी माहिती चव्हाण पाटील यांनी दिली.

महादेव पाटील यांनी प्रास्तविक केले. कार्यकर्त्यांना वाव मिळावा यासाठी नवीन कार्यकारिणी तयार करावी, अशी मागणी होत होती. कार्यकर्त्यांना सामावून घेऊन व्यापक कार्यकारिणी करण्यात येईल, अशी माहिती पाटील यांनी दिली.

Belgaum MES Meeting New Executive belgav belagavi belgavkar explore digital india
belgavkar news | digital india
explore digital india | belgaum news
Belgaum MES Meeting New Executive

Belgaum MES Meeting New Executive