बेळगाव—belgavkar : विवाह सोहळ्यास आलेल्या महिलेची सोन्याची दागिने व पैसे असा 3 लाख 51 हजार रुपयांचा ऐवज असलेली व्हॅनिटी बॅग लंपास करणाऱ्या चोरट्याला माळमारुती पोलिसांनी अटक केले आहे. इम्तियाज मोहम्मदगौस हुबळीवाले (वय 63, रा. वीरभद्रनगर बेळगाव) असे त्याचे नाव आहे.
माळमारुती पोलीस ठाण्याच्या व्याप्तीतील विद्याधिराज कल्याण मंडपामध्ये शुक्रवारी एक विवाह सोहळा होता. या सोहळ्यास आलेल्या दावणगिरी येथील पंचाक्षरी एम के यांच्या पत्नीच्या व्हॅनिटी बॅग मधील सुमारे 3 लाख 51 हजार रुपयांचे सोन्याचे दागिने आणि रोख 3500 रुपयांची रक्कम असा एकूण 3 लाख 54 हजार 500 रुपयांचा ऐवज अज्ञाताने व्हॅनिटी बॅगसह लंपास केला होता.
याप्रकरणी तक्रार दाखल होताच माळमारुती पोलिसांनी तपासाची चक्रे वेगाने फिरवून व्हॅनिटी बॅग चोरणाऱ्या इम्तियाज हुबळीवाले याला ताब्यात घेऊन चौकशी केली असता त्याने चोरीची कबुली दिली. तसेच चोरीचा ऐवज पोलिसांकडे सुपूर्द केला. याप्रकरणी माळमारुती पोलीस ठाण्यात गुन्हा नोंद झाला असून अधिक तपास सुरू आहे.
Belgaum Malmaruti police arrested the thief who looted the vanity bag belgavkar belgaum
Malmaruti police arrested thief Belgaum