बेळगाव : अत्याधुनिक सुविधांसह नवीन पालखी बस

बेळगाव-लातूर आंतरराज्य मार्गावर बस

Belgaum Latur KSRTC Pallakki Sleeper Bus

बेळगाव—belgavkar : बेळगाव-लातूर आंतरराज्य मार्गावर अत्याधुनिक सुविधांसह नवीन पालखी बस शुक्रवारपासून सुरू होणार आहे (KSRTC Pallakki Sleeper Bus). त्यामुळे बेळगाव-लातूर मार्गावर प्रवास करणाऱ्या प्रवाशांना दिलासा मिळाला आहे. विशेषत: आरामदायी पालखी नॉन एसी बस धावणार आहे. बेळगाव मध्यवर्ती बसस्थानकातून बेळगाव-लातूर (महाराष्ट्र) ही आंतरराज्य बससेवा सुरू होणार आहे. या बसचा तिकीट दर 900 रुपये इतका आहे. मध्यवर्ती बस स्थानकातून ही बस दररोज रात्री 8 वाजता सुटून जमखंडी, विजापूर, सोलापूर, तुळजापूरमार्गे दुसऱ्या दिवशी पहाटे 6.20 वाजता लातूरमध्ये पोहोचणार आहे.

लातूर येथून सायंकाळी 7.30 वाजता सुटून तुळजापूर, सोलापूर, विजापूर, जमखंडीमार्गे पहाटे 5.30 वाजता बेळगावात पोहोचणार आहे. बेळगाव मध्यवर्ती बस स्थानकातून ही आरामदायी बससेवा सुरू होत असल्याने बेळगाव-लातूर मार्गावरील प्रवाशांची गैरसोय दूर झाली आहे. या आरामदायी बससेवेमुळे बेळगाव-लातूर प्रवास करणे अधिक सोयीस्कर होणार आहे. पूर्वी खासगी बसने प्रवास करावा लागत होता. मात्र, परिवहनने या मार्गावर ही अत्याधुनिक सुविधांसह बससेवा सुरू केल्याने रात्रीचा प्रवास अधिक सुखकर होणार आहे.

प्रवाशांच्या सोयीखातर ऑनलाईन तिकीट उपलब्ध करण्यात आले आहे. प्रवाशांना www.ksrtc.in, www.nwkrtc.in या वेबसाईटवर तिकीट बुकींग करता येणार आहे. प्रवाशांना घरबसल्या मोबाईलवरूनही तिकीट आरक्षित करता येणार आहे. याचबरोबर बस स्थानकात आगाऊ तिकीट आरक्षणासाठी काऊंटर उपलब्ध केले आहे. बेळगाव-लातूर ही आंतरराज्य बससेवा शुक्रवारपासून सुरू होत आहे. प्रवाशांनी याचा लाभ घ्यावा. प्रवाशांना घरबसल्या तिकीट बुकींग करता येणार आहे. अत्याधुनिक सुविधांसह ही नवीन पालखी बस सुरू होत आहे.

Belgaum Latur KSRTC Pallakki Sleeper Bus Ticket belgav belagavi belgavkar
belgavkar news

Belgaum Latur KSRTC Pallakki Sleeper Bus Ticket
belgaum news

Belgaum Latur KSRTC Pallakki Sleeper Bus Ticket