बेळगाव : खंजर गल्लीत तिघांवर कारवाई

बेळगाव—belgavkar : मटका प्रकरणी मार्केट पोलिसांनी तिघा जणांच्या विरोधात गुन्हा दाखल करून ₹ 7460 रुपये जप्त केले. खंजर गल्लीत गुरुवारी दुपारी तीनच्या सुमारास कारवाई करण्यात आली आहे. पोलिसांनी सांगितले, खंजर गल्लीत मटका आणि जुगार सुरू असल्याची माहिती होती. मार्केट पोलिस ठाण्याचे पोलिस निरीक्षक महांतेश दामण्णावर यांच्या नेतृत्वाखाली पथकाची स्थापना केली.

पथकातर्फे छापा घालण्यात आला असून, तिघांच्या विरोधात गुन्हा दाखल करण्यात आला आहे. महम्मदशफी मोदीनसाब ताशिलदार (वय 69, खंजर गल्ली), मुताप्पा कल्लाप्पा अंबेगेर (वय 60, रा. लक्ष्मी गल्ली, ओल्ड गांधीनगर), हरिष मारुती भोसले (वय 52, रा. पाचवा क्रॉस, आश्रय कॉलनी, रुक्मीणीनगर) अशी त्यांची नावे आहेत. तसेच तिघांकडून 7460 रुपयांची रोकड जप्त करण्यात आली आहे. मार्केट पोलिस ठाण्यात गुन्ह्याची नोंद झाली आहे.

Belgaum Khanjar Galli Three FIR Matka belgav belagavi belgavkar explore digital india
belgavkar news | digital india
explore digital india | belgaum news

Belgaum Khanjar Galli Three FIR Matka