बेळगाव : रिक्षा अपघातात जागीच ठार, 3 जण जखमी

बेळगाव—belgavkar : निपाणी : जत्राट (ता. निपाणी) येथील रिक्षा अपघातात वृद्धा जागीच ठार झाल्याची घटना घडली. इंदुमती रामचंद्र मोरे (वय 70, जत्राट) असे ठार झालेल्या वृद्धेचे नाव आहे. अपघातात अन्य दोन महिला आणि चालक असे तिघे जखमी झाले.

याबाबत माहिती अशी, बुधवारी सकाळी आठच्या सुमारास जत्राट येथील राजेंद्र उर्फ नायकू रामु कोळी हा रिक्षा घेऊन जत्राटहून निपाणीकडे येत होते. रिक्षात इंदुमती यांच्यासह सुरेखा आप्पासो पाटील (वय 40), सिध्दव्वा सिध्दू नराटे (65) व गणेश आप्पासो पाटील (9) हे चौघे होते. दरम्यान जत्राट बसस्थानकापासून पुढे श्रीपेवाडीच्या दिशेने काही अंतर आल्यावर रिक्षा चालकाचे नियंत्रण सुटल्याने रिक्षा बाजूला जाऊन उलटली. त्यात मोरे जागीच ठार झाल्या. तर सुरेखा, सिध्दव्वा यांना गंभीर दुखापत झाली. अपघाताची नोंद बसवेश्वर चौक पोलिसांत झाली.

Belgaum Jatrat Accident Woman dies Auto Rickshaw belgav belagavi belgavkar explore digital india

Belgaum Jatrat Accident Woman dies Auto Rickshwa