बेळगाव : लग्न समारंभ आटोपून माघारी परतताना पती-पत्नी ठार

बेळगाव—belgavkar—belgaum : कागवाड : लग्न समारंभ आटोपून माघारी परतताना कार कालव्यात कोसळून पती-पत्नी ठार झाले. तर आजी आणि दोन नातवंडे सुदैवाने बचावली. ऐनापूर-मंगसुळी रस्त्यावर शुक्रवारी रात्री हा अपघात झाला. हे कुटुंब कोल्हापूर जिल्ह्यातील आहे. आदर्श पांडव व त्यांची पत्नी या अपघातात ठार झाले.

कागवाड पोलिस ठाण्याच्या हद्दीतील मंगसुळी-ऐनापूर मार्गावरील आबासो पाटील यांच्या शेताजवळ येताच कार कालव्यामध्ये कोसळली. अपघातावेळी आदर्श कार चालवत होते. त्यांच्यासह पत्नीचा श्वास गुदमरुन मृत्यू झाला. तर त्यांची मुलगी अन्वी (४), दीड वर्षाचा मुलगा रजत आणि आदर्श यांची सासू रुपाली गाडेकर यांना स्थानिकांनी वाचवले.

सदर दांपत्य कोल्हापूर येथील होते. लग्नानिमित्त ते कागवाड येथे आले होते. लग्न आटोपून कोल्हापूरच्या दिशेने निघाले असताना त्यांची कार कालव्यात कोसळली. घटनास्थळी बेळगावच्या अतिरिक्त जिल्हा पोलिसप्रमुख श्रृती अथणी, डीवायएसपी पी. प्रशांत मुन्नोळी, सीपीआय संतोष हळ्ळूर, कागवाड उपनरीक्षक जी. जी. बिरादार यांनी पाहणी केली.

belgaum kagwad car accident canal two killed

belgaum kagwad car accident canal two killed