बेळगाव : महिला अवमान प्रकरणी 12 जणांच्या विरोधात दोषारोपपत्र

बेळगाव—belgavkar : बेळगाव तालुक्यातील एका गावातील महिला अवमान प्रकरणी 12 जणांच्या विरोधात 1100 पानी दोषारोपपत्र येथील जेएमएफसी न्यायालयात बुधवारी सादर करण्यात आले. याच प्रकरणांत एक संशयित अल्पवयीन आहे. त्याच्या विरोधात स्वतंत्र दोषारोपपत्र सादर करण्यात येणार आहे. दोषारोपपपत्रात 50 साक्षीदारांचाही समावेश आहे. बेळगाव तालुक्यातील वंटमुरी गावात प्रेमप्रकरणावरून प्रियकराच्या घरावर मुलीच्या घरच्यांनी हल्ला केला. तरुणाच्या आईचा अवमान करत तिला मारहाण केली.

याविरुध्द काकती पोलिस ठाण्यात डिसेंबर 2023 मध्ये गुन्हा दाखल झाला. याची गंभीर दखल घेत 13 जणांच्या विरोधात गुन्हा नोंदविला. प्रकरणाची गंभीर दखल घेऊन सरकारने हे प्रकरण पोलिसांकडून काढून घेऊन सीआयकडे सोपविले. सीआयडीतर्फे प्रकरणाची चौकशी पूर्ण करण्यात आली. दोषारोपपत्र तयार करून 12 जणांच्या विरोधात आरोपपत्र दाखल केले आहे. यामुळे प्रकरणाची आता न्यायालयात नियमित सुनावणी होणार आहे. दरम्यान, 50 पैकी किती जणांची साक्ष, मुद्देमाल आणि कागदपत्र सरकारी पक्षाकडून सादर करण्यात येतात, त्याकडे सर्वांचे लक्ष लागून आहे.

घटनेचे देशात पडसाद : बेळगाव तालुक्यात महिला अवमान प्रकरण 11 डिसेंबर 2023 मध्ये घडले. बेळगावला हिवाळी विधीमंडळ अधिवेशन सुरु होते. तेव्हा घडलेल्या घटनेने एकच खळबळ उडाली. गृहमंत्री जी. परमेश्वरसह मंत्र्यांनी तातडीने घटनास्थळी धाव घेऊन या विरोधात कारवाईचे निर्देश पोलिसांना दिले. याची देशपातळीवर चर्चा झाली. लोकसभा, राज्यसभेत आवाज उठविला. मानवाधिकार आणि राष्ट्रीय महिला आयोग सदस्यांनी पिडीत महिलेची भेट घेऊन चौकशी केली होती.

Belgaum CID charge sheet in Vantamuri assault case belgav belagavi belgavkar explore digital india
belgavkar news | digital india
explore digital india | belgaum news

Belgaum CID charge sheet in Vantamuri assault case
Belgaum CID charge sheet in Vantamuri assault case

Belgaum CID charge sheet in Vantamuri assault case