बेळगाव : पत्नीचा व तिच्या पतीचा खून

बेळगाव—belgavkar : अथणी : घटस्फोट झालेल्या पहिल्या पत्नीचा व तिच्या पतीचा खून करण्यात आल्याची घटना अथणी तालुक्यातील कोकटनूरजवळ मंगळवारी रात्री उघडकीस आली. याप्रकरणी ऐगळी पोलिस ठाण्यात गुन्हा दाखल करण्यात आला आहे. यासीन बागोडे (वय 21) आणि हिना कौसर (वय 19, दोघेही रा. कोकटनूर, ता. अथणी) अशी खून झालेल्यांची नावे आहेत. सावळगी रस्त्यावर हा खुनाचा थरार घडला.

याबाबत माहिती अशी, हिना कौसर हिचा पहिला पती तौफीक शौकत हा मारेकरी असल्याचा पोलिसांना संशय आहे. तौफिक व हिना कौसर यांचा एक वर्षांपूर्वी विवाह झाला होता. त्यानंतर वर्षातच हिना कौसर हिने यासीन याच्याशी प्रेमसंबंध ठेवून पळून गेली होती. त्यानंतर गावातील समाजातील मंडळीच्या मध्यस्थीने त्या दोघांचा घटस्फोट झाला होता. त्यानंतर हिना कौसर व यासीन यांनी लग्न केले होते. आपली पत्नी यासीनमुळे आपल्यापासून दूर गेल्याचा राग तौफिकला होता. त्यातून मंगळवारी रात्री यासीन व पत्नी हिना कौसर यांच्यावर त्याने धारदार शस्त्राने वार केला.

मंगळवारी सायंकाळी तौफिकने बेळगाव जिल्ह्यातील अथणी तालुक्यातील कोकतनूर गावात फार्म हाऊसमध्ये राहणाऱ्या यासीन आणि हिना यांच्यावर हल्ला केला. लाँगने त्याच्यावर हल्ला करून हिनाची हत्या केली, त्यानंतर तिचा प्रियकर म्हणजेच दुसरा पती यासीनची हत्या केली. त्याचवेळी भांडण सोडवण्यासाठी आलेल्या सासू-सासऱ्यांनाही तौफिकने लाँगने मारहाण केली. त्यानंतर तो तेथून फरार झाला. सध्या जखमींवर महाराष्ट्रातील सांगलीच्या मिरज रुग्णालयात उपचार सुरू आहेत.

Belgaum Athani Kokatnur Murder Love Husband Wife belgav belagavi belgavkar explore digital india
belgavkar news | digital india
explore digital india | belgaum news

Belgaum Athani Kokatnur Murder Love Husband Wife

Belgaum Athani Kokatnur Murder Love Husband Wife