बेळगाव : डबल मर्डर प्रकरणी अटक

विवाहित जोडप्याचा खून… पहिल्यांदा तौफिकशी लग्न झाले होते. त्यानंतर

बेळगाव—belgavkar : अथणी : कोकटनूर यल्लमावाडी (ता. अथणी) येथे विवाहित जोडप्याचा खून झाल्याची घटना मंगळवारी रात्री उघडकीस आली होती. यामध्ये यासीन बागोडी (वय 21) व हिना कौसर (वय 19) अशी खून झालेल्यांची नावे आहेत. या खुनी हल्ल्यात यासीनची आई अमिना बागोडी आणि नातेवाईक मुस्ताक मुल्ला जखमी झाले आहेत. खूनप्रकरणी 24 वर्षीय तौफिक शौकत या तरुणाला पोलिसांनी अटक केली असल्याची माहिती जिल्हा पोलिस अधीक्षक भीमाशंकर गुळेद यांनी दिली.

हिना आणि तौफिक यांचा विवाह झाला होता. लग्नानंतर दोघेही भाड्याच्या गाडीतून दर्ग्यात गेले. मग नववधूचे ड्रायव्हरसोबत प्रेमप्रकरण सुरु झाले. पुढे जे घडले ते भयानक होते… : पोलिस अधीक्षक गुळेद म्हणाले, खून झालेल्यामधील महिला हिना कौसर हिचे पहिल्यांदा तौफिक शौकत याच्याशी लग्न झाले होते. त्यानंतर हिना कौसर हिचे गावातील यासीन याच्याशी प्रेमसंबंध जुळल्याने त्याच्यासोबत ती पळून गेली होती. त्यानंतर तौफिक व हिना कौसर यांच्यात रितसर घटस्फोट झाला होता. त्या रागातून मंगळवारी रात्री तौफिकने धारदार शस्त्राने यासीन व हिना कौसर यांच्यावर वार केले. यावेळी यासीनची आई अमिना व नातेवाईक मुस्ताक मुल्ला सोडविण्यास धावले. त्यावेळी रागात असलेल्या तौफिकने या दोघांवरही वार केले. त्यातून हे दोघेही जखमी झाले. जखमी दोघांवर मिरज येथे खासगी दवाखान्यात उपचारासाठी दाखल करण्यात आले असून प्रकृती सुधारत आहे.

दरम्यान, मंगळवारी घटनास्थळी जिल्हा पोलिस अधीक्षक भीमाशंकर गुळेद, अथणीचे पोलिस उपाधीक्षक श्रीपाद जलदे, मंडल पोलिस निरीक्षक रवींद्र नायकवडी, ऐगळीच्या उपनिरीक्षक सुमलता आसंगी यांनी भेट देऊन माहिती घेतली. त्यानंतर रात्रीच मारेकऱ्याला ताब्यात घेतले. बुधवारी प्रभारी जिल्हा पोलिस अधीक्षक बी. एन. नेमगौडा, अतिरिक्त पोलिस अधीक्षक एम. एम. बसरगी यांनी भेट देऊन घटनेची माहिती घेऊन नातेवाईकाची विचारपूस केली. या खुनामागे आणखी काही कारण आहे का, यादृष्टीने तपास करण्याचे आदेश पोलिस अधिकाऱ्यांना दिले आहेत.

Belgaum Athani Kokatnur Murder Arrested belgav belagavi belgavkar explore digital india
belgavkar news | digital india
explore digital india | belgaum news

Belgaum Athani Kokatnur Murder Arrested

Belgaum Athani Kokatnur Murder Arrested