बेळगाव : जांबोटीमार्गे गोव्याला जाताना जागीच ठार

बेळगाव—belgavkar : खानापूर : कणकुंबी जवळील बेटणे गावानजीक कासार नाल्याकडे बेळगाव-गोवा मार्गावर गोवाकडे जाताना वाळूने भरलेला टिपर उलटून एकजण जागीच ठार झाल्याची घटना सोमवारी दुपारी घडली आहे. याबाबत समजलेली माहिती अशी की, गजानन विष्णू चौगुले (वय 24, रा. गणेबैल) हा युवक वाळूचा टिपर घेऊन जांबोटीमार्गे गोवाकडे जात होता.

खड्डा चुकविताना त्याचे नियंत्रण सुटून बेटणे येथे टिपरने झाडाला जोराची धडक दिली. त्यानंतर टिपर उलटल्याने चालक गजानन हा जागीच ठार झाला. टिपरमध्ये वाळू असल्याने चालकाला बाहेर पडायला वेळच मिळाला नाही. अपघात झाल्यानंतर नागरिकांनी त्याला वाचविण्याचे प्रयत्न केले. मात्र, वाळू असल्याने त्यांना अपयश आले.

घटनेचे वृत्त समजताच खानापूरचे पोलिस निरीक्षक रामचंद्र नायक, एन. के. पाटील यांनी घटनास्थळी भेट देऊन पाहणी केली. घटनेची नोंद खानापूर पोलिस स्थानकात झाली असून, पुढील तपास करीत आहेत. त्याच्या मागे आई-वडील, भाऊ, काका असा परिवार आहे. त्याच्या अपघाती निधनामुळे गणेबैल व परिसरात हळहळ व्यक्त होत आहे.

Belgaum Accident dies near Kankumbi Tipper belgav belagavi belgavkar explore digital india

Belgaum Accident dies near Kankumbi Tipper
Belgaum Accident dies near Kankumbi Tipper

Belgaum Accident dies near Kankumbi Tipper