आता भाजपच्या माजी नगरसेवकावर गोळीबार, झाला मृत्यू

महाराष्ट्र, जळगांव : गेल्या काही दिवसांपासून महाराष्ट्र राज्यातील कायदा सुव्यस्था ढासळली असल्याचे दाखवून देणाऱ्या घटना घडत आहेत. आमदार गणपत गायकवाड यांच्या गोळीबार प्रकरणानंतर उद्धव ठाकरे यांच्या गटाचे माजी नगरसेवक अभिषेक घोसाळकर यांच्यावर फेसबुक लाइव्ह चालू असताना गोळीबार करण्यात आला. जळगावात तीन दिवसांपूर्वी टोळक्याने भाजपच्या माजी नगरसेवकावर गोळीबार केला होता. या गोळीबारात जखमी झालेले माजी नगरसेवक बाळू मोरे यांचे उपचार सुरू असतांना निधन झाले आहे

चाळीसगाव शहरातील सिंधी कॉलनी येथील माजी नगरसेवक बाळू मोरे यांच्यावर कारमधून आलेल्या 5 जणांनी कट्ट्यातून फायरिंग करत जखमी केल्याची खळबळजनक घटना बुधवारी 7 फेब्रुवारी रोजी दुपारी 4.30 वाजेच्या सुमारास घडली होती. यात बाळू मोरे हे गंभीर जखमी झाले. याप्रकरणी चाळीसगाव शहर पोलीस ठाण्यात 5 हल्लेखोर आणि कट रचनारे 2 असे एकुण 7 हल्लेखोरांवर गुन्हा दाखल करण्यात आला आहे. दरम्यान या घटनेचा सीसीटीव्ही फुटेज पोलिसांना प्राप्त झाले असून पुढील चौकशीला सुरुवात करण्यात आली आहे.

सदर घटना घडताच माजी नगरसेवक बाळू मोरे यांना तात्काळ उपचारासाठी दाखल करण्यात आले होते. त्यांची प्रकृती चिंताजनक होती. गेल्या तीन दिवसांपासून डॉक्टर शर्थीचे प्रयत्न करत होते. मात्र आज उपचार सुरू असतांना त्यांनी शेवटचा श्‍वास घेतला. चाळीसगाव पोलीस स्थानकाच सहायक पोलीस निरिक्षक विशाल टकले यांनी या वृत्ताला दुजोरा दिला.

दरम्यान, या प्रकरणी आधीच हल्ला करणारे पाच आणि कट रचणारे दोन अशा 7 जणांच्या विरोधात गुन्हा दाखल करण्यात आला आहे. आता बाळू मोरे यांचा उपचार सुरू असतांना निधन झाल्याने या प्रकरणी खुनाचे कलम लावण्यात येणार आहे. तर, बाळू मोरे यांच्या निधनाचे वृत्त येताच परिसरावर शोककळा पसरली असून त्यांना आदरांजली अर्पण करण्यात येत आहे.
Balu More Dies In Chalisgaon Firing
Balu More Dies In Chalisgaon Firing
Balu More Dies In Chalisgaon Firing

Balu More Dies In Chalisgaon Firing