बेळगाव पुन्हा हादरले; विमानतळाजवळ युवकाचा ठेचून-ठेचून खून;

बेळगाव : गेल्या काही दिवसापासून बेळगावमध्ये गुन्हेगारी वाढली आहे. अनेक खूनाच्या घटना समोर येत असताना आज सांबरा विमानतळाजवळ तरुणाच्या चेहर्‍यावर आणि डोक्यावर तीक्ष्ण हत्याराने वार करून खून करण्यात आला आहे. पुरावे नष्ट करण्याच्या उद्देशाने युवकाचा दगडाने ठेचून खून केल्याची घटना उघडकीस आली आहे.

मृताच्या खिशात दुचाकीची चावी सापडली आहे. सोमवारी पहाटे सांबरा विमानतळाच्या कडेच्या शेतात एका युवकाचा मृतदेह सापडला. या युवकाचे डोक्यावर दगडाने हल्ला करण्यात आल्याचे प्राथमिक तपासात स्पष्ट झाले आहे.

मारीहाळ पोलिसांनी तपास सुरु केला असून निर्जन स्थळी झालेल्या या प्रकारच्या मागे असलेल्या कारणाचा शोध घेण्यासाठी पुढील तपास सुरू केला आहे. मृतकाची ओळख अद्याप पटलेली नाही. शेतकऱ्यांनी मृतदेह पाहून पोलिसांना माहिती दिली, होती. पोलिस तात्काळ घटनास्थळी पोहोचले आणि या प्रकरणाचा तपास करीत आहे.

Youth killed near Belgaum Airport

Youth killed near Belgaum Airport