बेळगाव : देवदर्शनावरुन येताना पत्नी जागीच ठार तर

बेळगाव—belgavkar : पती-पत्नी देवदर्शन घेऊन गावी जात असताना दुचाकीला ट्रकने धडक दिल्याने पत्नी जागीच ठार तर पती जखमी झाल्याची घटना चिकोडी तालुक्यातील मजलट्टी क्रॉसनजीक घडली. रेवती बसगौडा अरळीकट्टी (वय 25 रा. कोचरी, ता हुक्केरी) असे मयत महिलेचे नाव आहे. पती बसगौडा शिवलिंग अरळीकट्टी (वय 35) जखमी आहे.

याबाबत पोलिसांकडून मिळालेली अधिक माहिती अशी, दोघे पती-पत्नी चिकोडी तालुक्यातील येडूर येथे देवदर्शनसाठी गेले होते. दुचाकीवरून गावाकडे परत जात असताना मजलट्टी क्रॉसजवळ समोरून येणाऱ्या ट्रकने धडक दिल्याने विवाहिता जागीच ठार झाली. तर पती बसगौडा जखमी झाले असून त्यांना इस्पितळात दाखल करण्यात आले आहे. ट्रक चालक अपघातानंतर घटनास्थळावरून पसार झाला. घटनेची माहिती मिळताच चिकोडी सीपीआय काडदेवर व पीएसआय सचिन दासरेडी भेट देऊन पाहणी केली. चिकोडी पोलीस स्थानकात घटनेची नोंद झाली असून पुढील तपास सुरू आहे.

Killed accident near Chikodi Majlatti Cross Belgaum
Killed accident near Chikodi Majlatti Cross Belgaum

Killed accident near Chikodi Majlatti Cross Belgaum