IND U-19 vs AUS U-19 : रंगणार U-19 WC फायनलचा थरार

India vs Australia, ICC U-19 World Cup Final

ICC Under-19 World Cup 2024 Final : भारत आणि ऑस्ट्रेलिया या दोन्ही संघांमध्ये आयसीसी अंडर-19 वर्ल्डकप 2024 स्पर्धेतील फायनलचा सामना रंगणार आहे. सेमीफायनलच्या दुसऱ्या सामन्यात ऑस्ट्रेलियाने पाकिस्तानवर 2 गडी राखून विजय मिळवला. तर भारतीय संघाने सेमीफायनलच्या पहिल्या सामन्यात दक्षिण आफ्रिकेला पराभूत करत फायनलमध्ये प्रवेश केला. आता हे दोन्ही संघ वर्ल्डकपची ट्रॉफी जिंकण्यासाठी आमने सामने येणार आहेत. दरम्यान कसा राहिलाय दोन्ही संघांचा रेकॉर्ड? जाणून घ्या.

भारत आणि ऑस्ट्रेलिया या दोन्ही संघांनी आयसीसी अंडर-19 वर्ल्डकप 2024 स्पर्धेत दमदार खेळ केला आहे. दोन्ही संघांनी एकही सामना न गमावता स्पर्धेच्या फायनलमध्ये प्रवेश केला आहे. हे दोन्ही संघ तिसऱ्यांदा फायनलचा सामना खेळण्यासाठी आमने-सामने येणार आहेत. यापूर्वी झालेल्या दोन्ही सामन्यांमध्ये भारतीय संघाचा दबदबा पाहायला मिळाला आहे. या दोन्ही सामन्यांमध्ये भारतीय संघाने विजय मिळवला आहे.

उन्मुक्त चंदच्या नेतृत्वाखाली खेळणाऱ्या भारतीय संघाने 2012 स्पर्धेतील फायनलमध्ये प्रवेश केला होता. या सामन्यात प्रथम फलंदाजी करत असलेल्या ऑस्ट्रेलियाने 50 षटकअखेर 225 धावा केल्या होत्या. या धावांचा पाठलाग करण्यासाठी आलेल्या भारतीय संघाकडून कर्णधार उन्मुक्त चंदने शतकी खेळी करत भारतीय संघाला विजय मिळवून दिला होता. त्याने 7 चौकार आणि 6 गगनचुंबी षटकार मारत 111 धावांची खेळी केली होती.

पृथ्वी शॉ च्या नेतृत्वाखाली खेळणाऱ्या भारतीय संघाने 2018 मध्ये झालेल्या फायनलमध्ये ऑस्ट्रेलियाला पराभूत करत जेतेपदावर नाव कोरलं होतं. या सामन्यात प्रथम फलंदाजी करताना ऑस्ट्रेलियाने 216 धावा केल्या होत्या. या धावांचा पाठलाग करताना भारतीय संघातील सलामीवीर फलंदाजाने शतक झळकावलं होतं. सलामीवीर मनोज कारलाच्या शतकी खेळीच्या बळावर भारतीय संघाने या सामन्यात 8 गडी राखून विजय मिळवला होता.
India vs Australia U19 World Cup Final match will be broadcast on the Star Sports Network in India. The live streaming will be available on Disney+ Hotstar mobile app.
India vs Australia U-19 World Cup Final
India vs Australia U-19 World Cup Final
India vs Australia U-19 World Cup Final

India vs Australia U-19 World Cup Final