जगात भारी, वॉर्नरची कामगिरी

Australia vs West Indies T20I : ऑस्ट्रेलिया-वेस्ट इंडिज यांच्यातल्या पहिल्या ट्वेंटी-20 सामन्यात डेव्हिड वॉर्नरने (David Warner) विश्वविक्रमी कामगिरी केली. डेव्हिड वॉर्नरचा हा ऑस्ट्रेलियाकडून 100वा आंतरराष्ट्रीय ट्वेंटी-20 सामना ठरला आणि एकाच संघाकडून तिन्ही फॉरमॅट (कसोटी, वन डे व ट्वेंटी-20) मध्ये 100 हून अधिक सामने खेळणारा तो जगातील तिसरा (विराट कोहली व रॉस टेलर) फलंदाज ठरला. पण, या विराट व टेलर यांना जे जमले नाही, ते वॉर्नरने या सामन्यात करून दाखवले (David Warner joins elite company with 100 appearances in all formats).

View this post on Instagram

A post shared by belgavkar belgaum बेळगाव (@belgavkarbelgaum)

नाणेफेक जिंकून वेस्ट इंडिजने प्रथम गोलंदाजी करण्याचा निर्णय घेतला. वॉर्नर आणि जॉश इंग्लिस यांनी पहिल्या 8 षटकांत 93 धावा कुटल्या. जेसन होल्डरने ही जोडी तोडली आणि इंग्लिसने 25 चेंडूंत 5 चौकार व 1 षटकाराने 39 धावा केल्या. पण, वॉर्नरने 22 चेंडूंत अर्धशतक झळकावले आणि विश्वविक्रमाला गवसणी घातली. कर्णधार मिचेल मार्श (16), ग्लेन मॅक्सवेल (10) व मार्कस स्टॉयनिस (9) यांना अपयश आले. वॉर्नर 36 चेडूंत 12 चौकार व 1 षटकारासह 70 धावांवर बाद झाला (David Warner scripts history, becomes first-ever player to register 50+ scores in 100th match of T20I, Test, and ODI).

आंतरराष्ट्रीय क्रिकेटमध्ये तिन्ही फॉरमॅटमध्ये 100 व्या सामन्यात 50+ धावा करणारा तो जगातील पहिला फलंदाज ठरला. त्याने 100 व्या कसोटीत द्विशतक आणि 100 व्या वन डे सामन्यात शतक झळकावले होते. ऑस्ट्रेलियाने 20 षटकांत  7 बाद 213 धावा केल्या आहेत. वॉर्नरने 112 कसोटीत 26 शतकं व 37 अर्धशतकांसह 8786 धावा केल्या, वन डेत 161 सामन्यांत 22 शतकं व 33 अर्धशतकांसह 6932 धावा केल्या आहेत. ट्वेंटी-20त 100 सामन्यांत 3070 धावा त्याच्या नावावर आहेत आणि त्यात 1 शतक व 24 अर्धशतकं आहेत.
David Warner 50 plus score 100th match
David Warner 50 plus score 100th match
David Warner 50 plus score 100th match

David Warner 50 plus score 100th match