बेळगाव : बायपास रस्त्यासह चिक्कोडी-गोटूर चारपदरी महामार्ग

चिक्कोडी-गोटूर या चारपदरी महामार्ग ₹ 941.61 कोटी रुपये

Chikkodi-Gotur four-lane highway

बेळगाव—belgavkar : चिक्कोडी शहरातील वाहतूक कोंडी दूर करण्यासाठी बहुप्रतीक्षित असलेल्या बायपास रस्त्याला केंद्रीय रस्ते वाहतूक मंत्री नितीन गडकरी यांनी हिरवा कंदील दिला आहे. चिक्कोडी-गोटूर या चारपदरी महामार्गासाठी 941.61 कोटी रुपये मंजूर झाल्याची माहिती खासदार अण्णासाहेब जोल्ले यांनी प्रसिद्धीपत्रकाद्वारे दिली आहे. चिक्कोडी शहरातील वाहतूक कोंडी दूर करण्यासाठी गेल्या कित्येक वर्षांपासून बायपास रस्त्याची चर्चा होत आहे. त्या पार्श्वभूमीवर केंद्रीय मंत्र्यांनी याला ग्रीन सिग्नल दिल्याने आता वाहतूक कोंडी सुटण्याची आशा पल्लवित झाली आहे (Chikkodi-Gotur four-lane highway).

चिक्कोडी शहरात मिरजेकडून येणारी व बेळगाव, निपाणीकडून येणाऱ्या वाहनधारकांना सध्या गुरुवार पेठ या मुख्य रस्त्यावरून जावे लागते. या वाहतुकीसाठी सध्या रस्ता अपुरा पडत असल्याने येथे वाहतूक कोंडी वारंवार होत आहे. त्यासाठी या रस्त्याला पर्याय म्हणून अंकलीकडून येताना बायपास रस्ता करण्याची चर्चा गेल्या कित्येक वर्षांपासून चर्चेत होती. सध्या एका बाजूला बायपासची चर्चा सुरू असताना अलीकडे येथे गुरुवार पेठ रस्ता रुंदीकरणाचीही चर्चा सुरू होती. त्यासाठी काही व्यापाऱ्यांनी त्याला सहमती दर्शविल्याचे सांगितले जात होते. भरपाई देऊन दोन्ही बाजूला 10 फूट रस्ता होणार असल्याचीही चर्चा होती. पण, आता केंद्रीय मंत्री गडकरी यांनी याला मंजुरी दिल्याने गोटूरपर्यंतचा चारपदरी रस्ता चिक्कोडी शहरातील वाहतूक कोंडी टाळण्यासाठी बायपास रस्त्यासह करण्यात येणार आहे.

चिक्कोडी लोकसभा मतदारसंघांतर्गत चिक्कोडी शहरापासून गोटूरपर्यंत 27 किलोमीटर हा रस्ता होणार आहे. केंद्रीय महामार्ग मंत्री नितीन गडकरी यांनी या राष्ट्रीय महामार्ग क्रमांक 548 ला मंजुरी देताना चिक्कोडी-गोटूर रस्त्याच्या कामासाठी 941.61 कोटी मंजूर केले आहेत. त्यामध्ये चिक्कोडी शहराबाहेरून जाणाऱ्या बायपास चार पदरी रस्त्याचाही समावेश आहे. हा 27 किलोमीटरचा प्रकल्प वार्षिक योजना 2023-24 अंतर्गत पूर्ण करण्यात येणार आहे. सुवर्ण चतुर्भुज (चेन्नई-मुंबई) सह उत्तर कर्नाटकशी थेट जोडणारा हा रस्ता होणार आहे.

Belgaum Chikkodi-Gotur four-lane highway belgav belagavi belgavkar explore digital india
belgavkar news | digital india
explore digital india | belgaum news

Chikkodi-Gotur four-lane highway