बेळगाव : ट्रॅक्टर ट्रॉलीला धडक, अपघातात युवक ठार

Last updated: Tue-Feb-2024 8:49 PM

belgavkar 1 1

बेळगाव—belgavkar : ऊस भरून रस्त्याकडेला थांबलेल्या ट्रॅक्टर ट्रॉलीला मागून दुचाकीची जोराची धडक बसल्याने झालेल्या अपघातात चाँद शिरदवाड (ता. निपाणी) येथील युवक ठार झाला. प्रशांत किरण कांबळे (वय 24) असे त्याचे नाव आहे. प्रशांत कांबळे हा इचलकरंजीजवळच्या (कोल्हापूर) तारदाळ येथे एका खासगी कंपनीत कामाला होता. रात्री दुचाकीने कामावरून गावाकडे येत असताना बोरगावजवळ शिरोळ मळ्यानजीक ऊस भरून रस्त्याकडेला थांबलेल्या ट्रॉलीला मागून दुचाकीची जोराची धडक बसली.

Click Here To Join WhatsApp Group

या अपघातात प्रशांत गंभीर जखमी झाला. त्याला रुग्णालयात घेऊन जात असताना वाटेचत त्याचा मृत्यू झाला. घटनास्थळी चिकोडीचे डीवायएसपी गोपाळकृष्ण गौडर, पोलिस निरीक्षक एन. सी. केदारगीडर, उपनिरीक्षक शिवकुमार बिरादार यांनी पाहणी केली. घटनेची नोंद सदलगा पोलिस ठाण्यात झाली आहे. त्याच्या पश्चात आई, वडील, दोन भाऊ, आजोबा, आजी आहे.