बेळगाव लोकसभा मतदारसंघाची जबाबदारी पालकमंत्री सतीश जारकीहोळींना

बेळगाव—belgavkar Belgaum Loksabha : कर्नाटक राज्यातील सर्व 28 लोकसभा मतदारसंघांत मंत्र्यांची निरीक्षक म्हणून नियुक्ती करण्यात आली आहे. बेळगाव लोकसभा मतदारसंघाची जबाबदारी पालकमंत्री सतीश जारकीहोळींना देण्यात आली असून, ज्येष्ठ मंत्री एच. के. पाटील यांची चिक्कोडी मतदारसंघासाठी प्रभारी म्हणून नियुक्ती करण्यात आली आहे. हायकमांडने पक्षाच्या उमेदवारांचा पराभव झाल्यास प्रभारी मंत्र्यांना जबाबदार धरण्याचा इशारा दिला आहे. बहुतांश जिल्ह्यांमध्ये संबंधित पालकमंत्र्यांकडेच जबाबदारी दिली गेली आहे.

बागलकोट — आर. बी. तिम्मापूर,बळ्ळारी — बी. नागेंद्र, बिदर — ईश्वर खांड्रे, चिक्कमंगळूर, उडुपी — के. जे. जॉर्ज, चित्रदुर्ग — डॉ. सुधाकर, दक्षिण कन्नड — दिनेश गुंडूराव, दावनगिरी — एस. एस. मल्लिकार्जुन, धारवाड — संतोष लाड, गुलबर्गा — प्रियांक खर्गे, हसन — के. एन. राजण्णा, हावेरी — शिवानंद पाटील, कोप्पळ — शिवराज तंगडगी, मंड्या — एन. चेलुवरायस्वामी, शिमोगा — मधू बंगारप्पा, तुमकूर — डॉ. जी. परमेश्वर, उत्तर कन्नड मंकाळ वैद्य, बंगळूर ग्रामीण — भैरती सुरेश, बंगळूर शहर — उपमुख्यमंत्री डी. के. शिवकुमार, बंगळूर उत्तर — कृष्ण बैरेगौडा,

बंगळूर मध्य — जमीर अहमद खान, बंगळुर दक्षिण — रामलिंगा रेड्डी, चामराजनगर एच. सी. महादेवप्पा, रायचूर — एन. एस. बोसराजू, म्हैसूर आणि कोडगू — के. व्यंकटेश, चिक्कबळ्ळापूर — डॉ. एम. सी. सुधाकर, कोलार — के. एच. मुनियप्पाट यांच्यावर जबाबदारी देण्यात आली आहे. रायचूर जिल्ह्याचे प्रभारी मंत्री शरण प्रकाश पाटील, उडुपी जिल्ह्याच्या प्रभारी मंत्री लक्ष्मी हेब्बाळकर, यादगिरी जिल्हा प्रभारी शरण बसाप्पा दर्शनापूर यांना लोकसभा मतदारसंघाच्या निरीक्षकांची जबाबदारी देण्यात आली नाही. 20 हून अधिक मतदारसंघात विजयाचा दावा करणाऱ्या काँग्रेस पक्षाने मतदारसंघनिहाय निरीक्षकांच्या नियुक्तीसोबतच पक्षाचा उमेदवार विजयी झालाच पाहिजे, अशा सक्त सूचना दिल्या आहेत. मुख्यमंत्री सिद्धरामय्या आणि उपमुख्यमंत्री डी. के. शिवकुमार हे निरीक्षक मंत्र्यांवर लक्ष ठेवतील आणि त्यांना वेळोवेळी मार्गदर्शन करतील.

पराभव झाल्यास मंत्रिपद जाणार : जुलैमध्ये मंत्रिमंडळाचा विस्तार होणार असल्याची चर्चा आहे. लोकसभा मतदारसंघात पक्षाच्या उमेदवाराचा पराभव झाल्यास प्रभारी मंत्र्यांना मंत्रिमंडळातून वगळून नवीन मंत्र्याची त्या जागी वर्णी लावली जाण्याची शक्यता आहे.

Belgaum Loksabha Satish Jarkiholi Congress belgavkar Belgaum belgav belagavi belgaum