बेळगाव : पोलिस अ‍ॅक्शन मोडवर…

हेल्मेट तपासणीची मोहीम

बेळगाव—belgavkar : हेल्मेटचा वापर न‎ केल्याने रस्ते अपघातात मृत्यू‎ झालेल्यांची संख्या मोठी आहे. ही‎ बाब लक्षात घेऊन आरपीडी कॉर्नरसह वेगवेगळ्या परिसरात हेल्मेट तपासणीची मोहीम सुरू आहे. वाहतूक पोलिसांनी टिळकवाडी परिसरात वाहतुकीला शिस्त लावण्याचे काम हाती घेतले आहे. देशमुख रोड परिसरात सम-विषम पार्किंगसह आरपीडी कॉर्नरसह बेळगाव शहरातील इतर भागात हेल्मेट तपासणीची मोहीम राबविण्यात आली.

गुन्हे तपास व वाहतूक विभागाच्या पोलीस उपायुक्त पी. व्ही. स्नेहा यांच्या सूचनेवरून वाहतूक दक्षिण विभागाचे पोलीस निरीक्षक विनायक बडीगेर व त्यांच्या सहकाऱ्यांनी गेले दोन दिवस देशमुख रोड परिसरात सम-विषम पार्किंगसाठी प्रयत्न सुरू केले आहेत. रस्त्याच्या दुतर्फा वाहने उभी केल्यामुळे वाहतुकीस अडथळे येत आहे. त्यामुळे सम-विषमचा प्रयोग राबविण्यात येत आहे. हेल्मेटसक्तीची अंमलबजावणी करण्यासाठीही मोहीम हाती घेण्यात आली आहे. खासकरून ज्या परिसरात कॉलेज आहेत, त्या परिसरात विद्यार्थी दुचाकी चालविताना हेल्मेट परिधान करीत नाहीत. हे लक्षात आल्याने स्वत: पोलीस आयुक्तांनीच मोहीम राबविण्याची सूचना केली आहे. त्यामुळे गेले दोन दिवस आरपीडी कॉर्नरसह वेगवेगळ्या परिसरात हेल्मेट तपासणीची मोहीम सुरू आहे.

Belgaum RPD Helmet Checking Traffic Police belgav belagavi belgavkar explore digital india
belgavkar news | digital india
explore digital india | belgaum news
Belgaum RPD Helmet Checking Traffic Police

Belgaum RPD Helmet Checking Traffic Police