बेळगाव महापालिका — काळजीवाहू महापौर-उपमहापौर असणार की प्रशासक?

त्याआधी नव्या महापौर-उपमहापौरांची निवड झाली नाही, तर

बेळगाव—belgavkar : बेळगाव महापालिकेच्या विद्यमान महापौर शोभा सोमणाचे व उपमहापौर रेश्मा पाटील यांचा कार्यकाळ सोमवारी संपणार आहे. महापौर व उपमहापौर म्हणून कामकाजाचा सोमवार हा त्यांचा अखेरचा दिवस असणार आहे. त्यांचा कार्यकाळ पूर्ण होण्याआधी म्हणजे सोमवारी नव्या महापौर व उपमहापौरांची निवड होणार नाही. त्यामुळे मंगळवारपासून काळजीवाहू महापौर-उपमहापौर असणार की प्रशासक नियुक्त केले जाणार? याबाबत मोठी उत्सुकता महापालिकेत आहे.

सत्ताधारी व विरोधी नगरसेवक, अधिकारी तसेच कर्मचारी यांच्यात सध्या याचीच चर्चा सुरू आहे. महापालिका कायद्यातील तरतुदीनुसार 5 फेब्रुवारी किंवा त्याआधी नव्या महापौर-उपमहापौरांची निवड झाली नाही, तर विद्यमान महापौर व उपमहापौरांना काळजीवाहू म्हणून मुदतवाढ मिळू शकते. मात्र, महापालिकेत प्रशासकांची नियुक्ती केली जाईल, अशी शक्यताही व्यक्त केली जात आहे. त्यामुळे सोमवारी या अनुषंगाने कोणत्या घडामोडी घडणार याबाबतची मोठी उत्सुकता महापालिका वर्तुळात आहे. प्रादेशिक आयुक्तांकडून पुढील आठवड्यात महापौर निवडणूक वेळापत्रक जाहीर केले जाण्याची शक्यता आहे. तोवर महापालिकेच्या कामकाजाची जबाबदारी काळजीवाहूंवर असणार की प्रशासकांवर, हे सोमवारीच कळणार आहे.

कार्यकाळ पूर्ण होण्याआधी एखादी तातडीची बैठक महापौर शोभा सोमणाचे यांच्याकडून आयोजित केली जाणार का? याबाबत उत्सुकता होती. अर्थात बैठकीचा निर्णय एकट्या महापौरांकडून नव्हे, तर सत्ताधारी गटाकडूनच घेतला जातो. त्यामुळे सत्ताधारी गटाच्या भूमिकेबाबतही उत्सुकता होती; पण आता विद्यमान महापौरांच्या कार्यकाळात बैठक होणार नसल्याचे महापौर व सत्ताधारी भाजपा गटाकडूनही स्पष्ट करण्यात आले आहे. लोकसभा निवडणूक जाहीर होण्याआधी प्रादेशिक आयुक्तांकडून महापौर निवडणूक जाहीर केली जाते का? याकडे नगरसेवकांचे डोळे लागले आहेत.

Belgaum Municipal Corporation Mayor Election belgav belagavi belgavkar explore digital india
belgavkar news | digital india
explore digital india | belgaum news
Belgaum Municipal Corporation Mayor Election

Belgaum Municipal Corporation Mayor Election