बेळगावात ‘मुळशी पॅटर्न’

‘मुळशी पॅटर्न’चा थरार

बेळगाव : बेळगावात ‘मुळशी पॅटर्न’ या चित्रपटाच्या धर्तीवर सध्या जमिनीसाठी संघर्ष सुरू आहे. सुळगा-येळ्ळूर येथे रविवारी दुपारी झालेला तलवार हल्ला जमिनीच्या वादातून झाला आहे. यासंबंधी रविवारी बेळगाव ग्रामीण पोलीस स्थानकात परस्पराविरुद्ध एफआयआर दाखल करण्यात आला आहे. यानंतर टोळीयुद्ध आणि गुन्हेगारीच्या ‘मुळशी पॅटर्न’ची पुन्हा एकदा चर्चा होत आहे

दर्शन नारायण पाटील (वय २७ रा. भारतनगर) या तरुणाने दिलेल्या फिर्यादीवरून अरविंद ऊर्फ चन्नप्पा वसंत पाटील व त्याच्या साथीदाराविरुद्ध एफआयआर दाखल करण्यात आला आहे. तर अरविंद यांच्या फिर्यादीवरून सय्याजी पाटील व त्याच्या साथीदाराविरुद्ध एफआयआर दाखल झाला आहे.

येळ्ळूर येथील जमिनीच्या वादातून दोन गटांत संघर्ष होता. त्याचे पर्यवसान रविवारी दुपारी तलवार हल्ल्यात झाले आहे. आपल्यासह तिघेजण मारहाणीत जखमी झाल्याची फिर्याद अरविंद यांनी दिली आहे. तर तलवार हल्ल्यात दर्शन या तरुणाच्या हाताला गंभीर दुखापत झाली आहे. बेळगाव ग्रामीणचे पोलीस उपनिरीक्षक लक्काप्पा जोडट्टी व त्यांचे सहकारी पुढील तपास करीत आहेत.

काही वर्षांपूर्वी शेतकऱ्यांची जमीन विक्री, त्या जमिनीवर बिल्डरांचा डोळा आदी मुद्यावर ‘मुळशी पॅटर्न’ नामक मराठी चित्रपट आला होता. पुण्यातील मुळाशी येथील गावावर आधारित तो चित्रपट चांगलाच गाजला होता. सध्या बेळगाव तालुक्यातील विविध गावांत मुळशी पॅटर्नच्या धर्तीवर जमिनीसाठी संघर्ष सुरू असल्याचे चित्र पहायला मिळते.

‘मुळशी पॅटर्न’ हा सिनेमा काही वर्षांपूर्वी चर्चेत होता. या सिनेमात पुण्यातल्या गुन्हेगारी टोळया, अर्थकारण त्याच्याशी संबंधित असलेले राजकारण या सगळ्या घटकांचे वास्तवदर्शी चित्रण करण्यात आले होते.

belgaum mulashi pattern attack

belgaum mulashi pattern attack