बेळगाव महापालिका : महापौर-उपमहापौरपद निवडणूक

बेळगाव—belgavkar : बेळगाव महानगरपालिकेच्या महापौर-उपमहापौरपदासाठी आज निवडणूक होणार आहे. या पार्श्वभूमीवर मनपा आयुक्त राजेश्री जैनापुरे यांनी सभागृहात पाहणी करुन अधिकाऱ्यांकडून माहिती घेतली. बेळगाव महानगरपालिकेवर भाजपची सत्ता आहे. महापौरपद अनुसुचित जाती महिलेसाठी आरक्षित आहे तर उपमहापौरपद सर्वसामान्य वर्गासाठी आहे. भाजपकडून महापौरपदासाठी प्रभाग क्रमांक 17 मधील नगरसेविका सविता कांबळे (सदाशिवनगर) यांना उमेदवारी देण्यात आली आहे.

तर उपमहापौर सर्वसामान्य वर्गांसाठी असल्याने भाजपमधील अनेक सदस्य इच्छुक होते. उपमहापौरपदासाठी प्रभाग क्रमांक 44 मधील नगरसेवक आनंद चव्हाण (टिळकवाडी) यांना उमेदवारी देण्यात आली आहे. महानगरपालिकेवर भाजपचे 35 नगरसेवक आहेत. काँग्रेसचे 10 नगरसेवक असून म. ए. समिती 3, अपक्ष 9, एआयएमआयएम 1 अशा प्रकारे एकूण 58 नगरसेवक आहेत. विरोधी पक्ष असणाऱ्या काँग्रेसकडे अपेक्षित संख्याबळ नसल्याने निवडणुकीमध्ये रंगत नसल्याचे दिसून येत आहे. मनपा अधिकाऱ्यांना केवळ औपचारिकता पूर्ण करावी लागणार आहे. त्यामुळे ही निवडणूक बिनविरोध होण्याची शक्यता आहे.

दुपारी 1 वाजता निवडणूक घेण्यात येणार आहे. हजेरी घेऊन कोरम पाहणे, महापौरपदासाठी उमेदवारांनी दाखल केलेल्या नामपत्रांची छाननी, त्यानंतर उमेदवारांची नावे जाहीर करणे, अर्ज माघारी घेणे, बिनविरोध निवड झाल्यास जाहीर करणे, अधिक उमेदवारांनी अर्ज दाखल केल्यास हात उंचावून मतदान घेण्याची प्रक्रिया राबविण्यात येणार आहे, अशीच प्रक्रिया उपमहापौरपदासाठीही घेतली जाणार आहे.

Belgaum Mayor Election Savita Kamble belgav belagavi belgavkar explore digital india
Belgaum Mayor Election Savita Kamble

Belgaum Mayor Election Savita Kamble