बेळगाव : गोबी मंच्युरीचे नमुने संग्रहित

बेळगाव—belgavkar : गोबी मंच्युरी अधिक रुचकर होण्यासाठी वापरण्यात येणाऱ्या हानिकारक रंग आणि अन्य पदार्थांच्या अति वापरामुळे मंच्युरी प्रिय नागरिकांच्या आरोग्यावर परिणाम होत आहेत. यासाठी राज्यातील विविध जिल्ह्यांतील गोबी मंच्युरी विक्रेत्यांकडून गोबी मंच्युरीचे नमुने संग्रहित करण्याची सूचना बंगळूरच्या अन्न सुरक्षा आणि गुणवत्ता प्राधिकरण आयुक्तांनी केली आहे. यामध्ये बेळगाव जिल्ह्याचाही समावेश आहे.

गोबी मंच्युरीचे नमुने संग्रहित करण्याचे काम जिल्ह्यात अद्याप सुरूच आहेत. सोमवार (ता. 12) पासून अन्नसुरक्षा व गुणवत्ता प्राधिकरणच्या अधिकाऱ्यांनी या तपासणी मोहिमेला सुरुवात केली आहे. सोमवारी बैलहोंगल तालुक्यातील काही हॉटेल्स आणि गोबी मंच्युरी विक्रेत्यांकडून नमुने संग्रहित करून प्रयोगशाळेत पाठविण्यात आले आहेत. त्यानंतर गोकाक आणि हुक्केरी तालुक्यातील काही हॉटेल्स आणि गोबी मंच्युरी विक्रेत्यांकडून बुधवारी (ता. 14) आणि गुरुवारी (ता. 15) हे नमुने संग्रहित करण्यात आले.

अन्नसुरक्षा व गुणवत्ता प्राधिकरणचे जिल्हा सांख्यिकी अधिकारी डॉ. जगदीश जिंगी यांनी हत्तरगी टोल नाक्यानजीक असणाऱ्या एका हॉटेलमध्ये पाहणी केली. त्यानंतर कित्तूर येथील सैनिक स्कूलमध्ये विद्यार्थ्यांना पुरविण्यात येणाऱ्या अन्नपदार्थांची पाहणी केली. यासह मोरारजी देसाई निवासी शाळेला भेट देऊन तेथील अन्नपदार्थांची तपासणी केली. तसेच संबंधितांना आवश्यक सूचना केल्या. गेल्या वर्षी निवासी शाळेमधील अन्नातून विषबाधा झाल्याचा प्रकार उघडकीस आला होता. त्यामुळे प्राधिकरणकडून शक्य तितकी खबरदारी घेण्यात येत आहे.

पुढील दिवसात चिक्कोडी आणि खानापूर तसेच बेळगाव शहरातही प्राधिकरणकडून गोबी मंच्युरीचे नमुने संग्रहित करण्यात येणार असल्याचे अधिकारीवर्गाने कळविले आहे. प्राधिकरणच्या अधिकाऱ्यांनी बैलहोंगल तालुक्यातील निवडक हॉटेल्स आणि दुकानातून गोबी मंच्युरीचे नमुने संग्रहित केले आहेत.

Belgaum Gobi Manchuri Food Sample Testing belgav belagavi belgavkar explore digital india

Belgaum Gobi Manchuri Food Sample Testing

Belgaum Gobi Manchuri Food Sample Testing