बेळगाव : अभियांत्रिकीच्या विद्यार्थ्याने जीवन संपवलं

बेळगाव—belgavkar : खानापूर : अभियांत्रिकीच्या पहिल्या वर्षात शिकणाऱ्या विद्यार्थ्याने गळफास घेऊन आत्महत्या केल्याची घटना मंगळवारी शहरात घडली. मंथन अशोक वड्डीनवर (वय 19, रा. लक्ष्मीनगर, खानापूर) असे त्याचे नाव आहे. याबाबत अधिक माहिती अशी, मंथनचे वडील यडोगा सरकारी शाळेत तर आई हारुरीतील सरकारी शाळेत शिक्षिका आहेत. आई-वडील शाळेला गेल्यानंतर मंथन व त्याचा मोठा भाऊ घरीच अभ्यास करत होते.

मोठा भाऊ अभियांत्रिकीच्या तिसऱ्या वर्षात आहे. सकाळी 11.30 च्या सुमारास कॉलेजला जाण्यासाठी मंथनचा मित्र त्याला बोलावण्यासाठी आला. आवाज देऊनही तो खोलीबाहेर आला नाही. त्यामुळे, भाऊ मित्र आल्याचे सांगण्यासाठी त्याच्या खोलीत गेला. त्यावेळी मंथनने गळफास घेतल्याचे दिसून आले. घटनेची माहिती मिळताच हवालदार जयराम हम्मण्णावर व कुतुबुद्दिन सनदी यांनी घटनास्थळी भेट देऊन पंचनामा केला.

Belgaum Engineering student ends life Khanapur belgav belagavi belgavkar explore digital india
belgavkar news | digital india
explore digital india | belgaum news

Belgaum Engineering student ends life Khanapur