बेळगाव : Cruiser वाहन अपघातात 17 जण जखमी, एकाचा मृत्यू

बेळगाव-सौंदत्ती : शेतमजुरांना घेऊन रामदुर्गकडे निघालेले Cruiser वाहन झाडाला धडकून उलटल्याने एकाचा मृत्यू झाल्याची घटना बुधवारी नवीलुतीर्थ येथे घडली. केंचण्णा लक्ष्मण इरण्णावर (वय 60) या वृद्धाचा मृत्यू झाला. अपघातात 17 जण जखमी झाले असून, काहींची स्थिती चिंताजनक आहे.

याबाबत मिळालेल्या माहितीनुसार, रामदुर्ग तालुक्यातील चिंचनूर येथील शेतमजूर नवलगुंद तालुक्यातील हेब्बळ्ळी गावात कामासाठी म्हणून गेले होते. सायंकाळी काम संपल्यानंतर एकाच वाहनातून हे सर्व मजूर घराकडे परतत असता नवीलुतीर्थ येथे चालकाचे नियंत्रण सुटल्याने वाहन झाडाला जाऊन आदळत रस्त्यावर उलटले. यात केंचण्णा यांचा जागीच मृत्यू झाला.

अपघात घडताच स्थानिकांनी तातडीने बचावकार्य हाती घेतले. जखमींना उपचारासाठी धारवाड येथील जिल्हा रुग्णालयात पाठविण्यात आले. यापैकी काहींची स्थिती चिंताजनक आहे. वाहनामध्ये क्षमतेपेक्षा अधिक शेतमजुरांना बसविण्यात आले होते. त्यातच नवीलुतीर्थ येथून सौंदत्तीकडे जाणारा रस्ता हा आडवळणाचा असल्याने वाहनचालकाला वाहनावर नियंत्रण ठेवता आले नाही. त्यामुळे नियंत्रण सुटून हे वाहन झाडाला जाऊन आदळत उलटले. घटनेची नोंद मुनवळ्ळी पोलिस ठाण्यात झाली आहे.

belgaum Cruiser  accident Naviluteerth

belgaum Cruiser  accident Naviluteerth