Actor Christian Oliver dies in Caribbean plane crash with two daughters

धक्कादायक…! लोकप्रिय अभिनेत्याचा प्लेन क्रॅशमध्ये मृत्यू; समुद्रात पडलं विमान, दोन मुलींचाही गेला जीव

हॉलिवूडमधून एक दुःखद बातमी समोर आली आहे. अभिनेता ख्रिश्चन ऑलिव्हर (German-born US actor Christian Oliver) आणि त्याच्या दोन मुलींचा मृत्यू झाला आहे. मिळालेल्या माहितीनुसार, त्यांचं विमान टेक ऑफ केल्यानंतर लगेचच कॅरेबियन समुद्रात पडलं. ही बातमी ऐकून संपूर्ण हॉलिवूडला धक्का बसला आहे (plane crash off the coast of a Caribbean island.). ऑलिव्हर जॉर्ज क्लूनीसोबत “द गुड जर्मन” आणि 2008 च्या अँक्शन-कॉमेडी “स्पीड रेसर” मध्ये मोठ्या पडद्यावर दिसला होता.

रॉयल सेंट व्हिन्सेंट आणि ग्रेनेडाइन्स पोलिस दलाने त्यांच्या मृत्यूच्या बातमीला दुजोरा दिला आहे. मीडिया रिपोर्ट्सनुसार, घटनेनंतर मच्छीमार, गोताखोर आणि तटरक्षक दल तातडीने घटनास्थळी पोहोचले, तेथून चार मृतदेह बाहेर काढण्यात आले. ५१ वर्षीय ऑलिव्हर, त्याच्या दोन मुली मदिता (१० वर्षे), अँनिक (१२ वर्षे) आणि पायलट रॉबर्ट सॅक्स अशी मृतांची नावे आहेत.

गुरुवारी दुपारी ते सगळे विमानातून ग्रेनेडाइन्समधील बेक्विआ या छोट्या बेटावरून सेंट लुसियाकडे निघाले होते (Petit Nevis Island, a private island near Bequia in the eastern Caribbean). असं म्हटलं जातंय कि अभिनेता त्याच्या कुटुंबासह सुट्ट्यांचा आनंद घेण्यासाठी गेला होता. काही दिवसांपूर्वी, ऑलिव्हरने इंस्टाग्रामवर समुद्रकिनाऱ्याचे फोटो पोस्ट केले आणि कॅप्शनमध्ये चाहत्यांना नवीन वर्षाच्या शुभेच्छा दिल्या होत्या. त्यांनी लिहिले, स्वर्गातून कुठूनतरी शुभेच्छा… कम्युनिटी आणि प्रेमासाठी… २०२४ आम्ही येथे आहोत.

ऑलिव्हरच्या कारकिर्दीबद्दल सांगायचं तर, तो ६० हून अधिक चित्रपट आणि टीव्ही शोचा भाग होता. ज्यामध्ये टॉम क्रूझच्या “वाल्कीरी” चित्रपटातील एक छोटी भूमिका देखील होती. त्याने कारकिर्दीच्या सुरुवातीच्या भूमिकांमध्ये टीव्ही मालिका “सेव्ह बाय द बेल: द न्यू क्लास” आणि “द बेबी-सिटर्स क्लब” मध्ये काम केलं होतं. त्याने दोन सीझनसाठी लोकप्रिय जर्मन-भाषेतील शो “अलार्म फर कोबरा ११” मध्ये देखील काम केलं.