बेळगाव : यात्रा संपवून घरी जाताना महिला ठार

बेळगाव-belgavkar : वाहनाने धडक दिल्याने दुचाकीस्वार महिला जागीच ठार झाली. शुक्रवारी रात्री बैलहोंगल शहरातील मिनी विधानसौधच्या रस्त्यावर हा अपघात घडला. स्वाती प्रफुल पाटील (वय ४२, रा. मृत्युंजयनगर, बैलहोंगल) असे तिचे नाव आहे.

बैलहोंगल येथील मरडी बसवेश्वर यात्रा संपवून घरी जात असताना तिचा अपघाती मृत्यू झाला. शुक्रवारी रात्री यात्रा आटोपून मिनी विधानसौधमार्गे त्या आपल्या घराकडे जात असताना भरधाव आलेल्या वाहनाने धडक दिल्याने त्या रस्त्यावर उडून पडल्या. डोक्याला गंभीर दुखापत झाल्याने त्यांचा जागीच मृत्यू झाला. अपघाताची माहिती समजताच बैलहोंगलचे पोलिस निरीक्षक व्ही. व्ही. सालीमठ व त्यांच्या सहकाऱ्यांनी घटनास्थळी भेट देऊन पंचनामा केला.

accident on Bailhongal Mini Vidhansaudh Road

accident on Bailhongal Mini Vidhansaudh Road