WhatsApp मध्ये मोठी अपडेट. आता नाही गरज गुगल प्ले स्टोअरची

WhatsApp Auto Update Feature

व्हॉट्सॲप नेहमी कोणते ना कोणते नवीन फीचर आणते. Meta जगतातील सर्वात लोकप्रिय मॅसेजिंग प्लॅटफॉर्मसाठी काही ना काही अपडेट समोर आणते. त्यामुळे युझर्सला सुविधा तर मिळतेच. पण तितकाच युझर या ॲपशी खिळून राहतो. पण युझर्सला व्हॉट्सॲपवरील अपडेटची माहिती मिळत नाही आणि ते जुनेच व्हर्जन वापरतात. त्यामुळे मेटाने WhatsApp साठी अजून एक भन्नाट प्रयोग केला आहे. कंपनीने अशा विसरभोळ्या युझरसह सर्वांनाच नवीन अपडेट फीचरची ओळख करुन दिली आहे. काय आहे हे फीचर?

आतापर्यंत युझर्सला व्हॉट्सॲपचे लेटेस्ट अपडेटची माहिती करुन घेण्यासाठी नेहमी गुगल प्ले स्टोअरवर धडक मारावी लागत होती. त्यासाठी या ॲपचे स्टेट्स तपासावे लागत होते. पण आता त्याची गरज पडणार नाही. आता युझर्सला WhatsApp मध्येच त्याचे व्हर्जन अपडेट करण्याची सुविधा मिळणार आहे. सध्याच्या सेटिंग्जमध्येच व्हॉट्सॲप अपडेट करण्याची सुविधा मिळेल. WABetainfo च्या नवीन अपडेट नुसार, व्हॉट्सॲपने गुगल प्ले बिटा प्रोगाम तयार केला आहे. त्यामुळे अँड्राईड युझर्ससाठी नवीन बिटा व्हर्जन 2.24.2.13 रोलआऊट झाले आहे. नवीन बिटा व्हर्जन अपडेटमध्ये ऑटो-ॲप अपडेट फीचर मिळणार आहे.

या रिपोर्टनुसार, व्हॉट्सॲपसाठी नवीन फीचर लवकरच सुरु होणार आहे. हे फीचर यावेळी रोलिंगसाठी तयार आहे. या फीचरमुळे युझर आता त्यांच्या व्हॉट्सॲपच्या सेटिंगमधून ॲप अपडेट करु शकेल. त्याला लेटेस्ट अपडेटचे नोटिफिकेशन आणि ऑटो-अपडेटचा पर्याय मिळेल. त्यामुळे युझरला नवीन व्हॉट्सॲप अपडेट माहिती करण्यासाठी गुगल प्ले स्टोअरला जाण्याची गरज उरणार नाही.

आपोआप अपडेट होईल व्हॉट्सॲप

रिपोर्टनुसार, येणाऱ्या काही आठवड्यात जगभरातील व्हॉट्सॲप वापरकर्त्यांना हे नवीन अपडेट मिळणार आहे. ही सुविधा उपलब्ध होणार आहे. WABetainfo च्या रिपोर्टनुसार, व्हॉट्सॲपच्या या नवीन अपडेटचा स्क्रीनशॉट पण जोडण्यात आला आहे. त्यामध्ये व्हॉट्सॲपच्या सेटिंगमध्येच App Update Settings हा नवीन पर्याय दिसत आहे. सध्या या नवीन फीचरची चाचणी सुरु आहे. त्रुटी दूर होताच हे लेटेस्ट फीचर युझर्साठी रोल आऊट होईल.

WhatsApp Auto Update Feature

Download WhatsApp for Android