बेळगाव : गोवावेस येथील कार्यालयात चोरी, 4 लॅपटॉप गायब

बेळगाव—belgavkar : बेळगाव महापालिकेच्या गोवावेस येथील विभागीय कार्यालयातून चोरट्यांनी 4 लॅपटॉप पळविल्याचे सोमवारी सकाळी उघडकीस आले. कार्यालयातून चोरट्यांनी लॅपटॉपसह महत्त्वाची कागदपत्रेही गायब केल्याबाबतची चर्चा आहे. मात्र, अधिकाऱ्यांनी त्याबाबत माहिती घेऊन कळवितो, असे पोलिसांना सांगितले आहे. दरम्यान, बेळगाव महापालिकेतील मुख्य कार्यालयातील फाईल गायबचे प्रकरण चर्चेत असताना गोवावेस कार्यालयातून लॅपटॉप चोरीस गेल्यामुळे खळबळ उडाली आहे. यामुळे महापलिका कार्यालयातील सुरक्षेचा प्रश्न ऐरणीवर आला आहे.

बेळगाव महापालिकेचे गोवावेस सर्कलला विभागीय कार्यालय आहे. शनिवारी सायंकाळी नेहमीप्रमाणे कार्यालयाला कुलूप लावण्यात आले. रविवारी साप्ताहिक सुटी होती. त्यामुळे या दरम्यान अधिकारी किंवा कर्मचारी येथे फिरकले नाहीत. सोमवारी सकाळी नऊच्या सुमारास नेहमीप्रमाणे कार्यालय उघडल्यानंतर चोरीचा प्रकार पुढे आला. चार लॅपटॉप चोरट्याने पळविल्याचे पुढे आले. यामुळे तातडीने मुख्य कार्यकारी अभियंता आणि महापालिका आयुक्तांना याची माहिती दिली. शिवाय टिळकवाडी पोलिसांना माहिती दिली.

घटनास्थळी पोलिस दाखल झाले आणि त्यांनी अधिकाऱ्यांचा जबाब नोंदविला. त्यात कार्यालयामधील चार लॅपटॉप चोरीस गेल्याची फिर्याद दिली आहे. यावेळी पोलिसांनी कार्यालयामधील अन्य दस्तावेज वा फाइली किंवा कागदपत्र चोरट्यांनी पळविले आहे का? असा प्रश्न केल्यानतंर अधिकाऱ्यांनी सध्या तरी चार लॅपटॉप चोरीस गेल्याचे निदर्शनास आले आहे. चोरट्यांनी कार्यालयातील कपाट आणि साहित्य अस्ताव्यस्त केले आहे. त्यामुळे पोलिसांनी प्राथमिक पातळीवर महापालिका कार्यालयातून चार लॅपटॉप चोरीसंदर्भातील फिर्याद दाखल करून घेतली आहे. टिळकवाडी पोलिस ठाण्यात याची नोंद आहे.

stolen 4 laptops divisional office Goaves Belgaum Municipal Corporation belgav belagavi belgavkar explore digital india

Thieves have stolen 4 laptops from the divisional office of Belgaum Municipal Corporation at Goaves

stolen 4 laptops divisional office Goaves Belgaum Municipal Corporation
stolen 4 laptops divisional office Belgaum Municipal Corporation

stolen 4 laptops divisional office Goaves Belgaum Municipal Corporation