49 चेंडूंत कुटल्या 202 धावा… 404 Not Out

रचला मोठा इतिहास. प्रतिभावान खेळाडूंची कमी अजिबात नाही…

भारतीय क्रिकेटमध्ये प्रतिभावान खेळाडूंची कमी अजिबात नाही… आजच्या घडीला टीम इंडियाचे 3 वेगवेगळे संघ एकाच वेळी आंतरराष्ट्रीय क्रिकेट गाजवतील, असे तगडे खेळाडू BCCI कडे आहे. त्यात युवा संघातही चांगली स्पर्धा पाहायला मिळत आहे. कर्नाटकच्या प्रखर चतुर्वदीने कूच बिहार ट्रॉफीच्या फायनलमध्ये (19 वर्षांखालील Cooch Behar Trophy) नाबाद 404 धावांची खेळी करून इतिहास रचला. मुंबईच्या गोलंदाजांची निर्दयीपणे धुलाई करताना प्रखरने इतिहास रचला. कूच बिहार स्पर्धेच्या फायनलमध्ये 400 धावा करणारा तो पहिला फलंदाज बनला आहे (Prakhar Chaturvedi).

मुंबईचा संघ प्रथम फलंदाजी करण्यासाठी मैदानावर उतरला. आयुष म्हात्रे व आयुष वर्तक यांच्या फटकेबाजी जोरावर मुंबईने 380 धावांपर्यंत मजल मारली. म्हात्रेने 180 चेंडूंत 17 चौकार व 3 षटकारांसह 145 धावा केल्या, तर वर्तकनेही 98 चेंडूंत 73 धावांचे योगदान दिले. त्यानंतर प्रतिक यादवच्या 30 धावांनी हातभार लावला. कर्नाटकच्या हार्दिक राजने सर्वाधिक 4 बळी टिपले. सर्मथ एन व राहुल द्रविडचा मुलगा समित यांनी प्रत्येकी 2 विकेट्स घेतल्या.

कर्नाटकने यानंतर धावांचा पाऊस पाडला. सलामीवीर प्रखर व कार्तिक यांनी 109 धावांची सलामी दिली. कार्तिक 67 चेंडूंत 50 धावांवर बाद झाला. त्यानंतर प्रखर व हर्षिल धर्मानी यांनी चांगली फटकेबाजी केली. दोघांनी 290 धावांची भागीदारी केली. हर्षिल 228 चेंडूंत 169 धावांवर बाद झाला. कार्तिकेय (72) व समित (22) व हार्दिक राज (51) यांनी चांगला खेळ केला. एका बाजूने प्रखरने फटकेबाजी सुरू करून 638 चेंडूंत नाबाद 404 धावा केल्या. त्यात त्याने 46 चौकार व 3 षटकारांनी 202 धावा कुटल्या. कर्नाटकने 8 बाद 890 धावांवर डाव घोषित केला.

Karnataka’s Prakhar Chaturvedi slams 404* in final of Cooch Behar Trophy against Mumbai

Prakhar Chaturvedi creates history, slams unbeaten 404 in Cooch Behar Trophy final

Prakhar Chaturvedi