FASTag : युजर्सना मोठा दिलासा, KYC अपडेट करण्याची मुदत वाढवली

NHAI extends deadline for FASTag KYC | FASTag KYC update deadline : फास्टॅगबाबत (FASTag) नवी बातमी समोर आली आहे. भारतीय राष्ट्रीय महामार्ग प्राधिकरणने (NHAI – National Highways Authority of India) फास्टॅग केवायसी (FASTag KYC) अपडेट करण्याची तारीख वाढवली आहे. NHAI ने फास्टॅग केवायसी अपडेट करण्यासाठी आणखी एक महिन्याची मुदत दिली आहे. यापूर्वी केवायसी पूर्ण करण्याची अंतिम तारीख 31 जानेवारी 2024 होती. आता फास्टॅगचे केवायसी 29 फेब्रुवारीपर्यंत पूर्ण करता येणार आहे.

How to Update KYC in FASTag? NHAI extends deadline for FASTag KYC

National Highways Authority of India ने सोशल मीडिया प्लॅटफॉर्म एक्सवर (X) एका पोस्टमध्ये केवायसीची अंतिम मुदत वाढवण्याबाबत माहिती दिली आहे. यामध्ये म्हटले आहे की, फास्टॅग युजर्स! ‘वन व्हेइकल वन फास्टॅग’ अभियान राबविण्याची आणि तुमच्या फास्टॅगसाठी केवायसी अपडेट करण्याची अंतिम मुदत 29 फेब्रुवारी 2024 पर्यंत वाढवण्यात आली आहे. दरम्यान, इलेक्ट्रॉनिक पद्धतीने टोल संकलन सुरू केल्याने देशभरातील नाक्यांवर गर्दी होण्याचे प्रमाण घटले आहे. वाहनधारकांचा नाक्यांवर होणारा खोळंबा फास्टॅगमुळे कमी झाला आहे.

फास्टॅगची केवायसी प्रक्रिया कशी पूर्ण करायची, याचीही माहिती अनेक वाहनधारकांना नाही. दिलेल्या मुदतीत हे काम पूर्ण न केल्यास त्यांना अडचणींचा सामना करावा लागू शकतो. त्यामुळे याची प्रक्रिया समजून घेणे गरजेचे आहे. वाहनावर लावलेल्या फास्टॅगचे केवायसी पूर्ण करण्यासाठी सर्वप्रथम https://fastag.ihmcl.com या वेब पोर्टलवर जा. आपला रजिस्टर्ड मोबाइल नंबर आणि पासवर्डच्या आधारे आपल्या काउंटवर लॉग इन करा.

यानंतर आलेला ओटीपी सबमिट करून तुमच्या फास्टॅगच्या व्हेरिफिकेशनची प्रक्रिया पूर्ण करा. लॉग इन केल्यानंतर डॅशबोर्डवर दिसत असलेल्या ‘माय प्रोफाइल’ या ऑप्शनवर क्लिक करा. या ठिकाणी रजिस्ट्रेशनवेळी दिलेली सर्व माहिती दिसू लागते. केवायसी पूर्ण करण्यासाठी ‘माय प्रोफाइल’ सेक्शनमध्ये ‘केवायसी’ या पर्यायावर जा. यानंतर आवश्यक ओळखपत्र तसेच पत्त्यासंबंधित माहिती भरा. तुमचा पासपोर्ट आकाराचा फोटो आणि पत्त्यासाठी लागणारा पुरावा अपलोड केल्यानंतर फास्टॅगची केवायसी प्रक्रिया पूर्ण होते.

NHAI extends deadline for FASTag KYC