बेळगाव : मराठा आरक्षणाचा लाभ सीमाभागालाही हवा

मराठा आरक्षणाचा तिढा सुटल्यानं अभिनंदन

बेळगाव—belgavkar @महाराष्ट्र : मराठा आरक्षणासाठी (Maratha Reservation) गेल्या 5 महिन्यांपासून जालन्यातील आंतरवाली सराटी ते आर्थिक राजधानी मुंबईपर्यंत अहोरात्र लढा दिलेल्या मराठा आंदोलनकर्ते मनोज जरांगे पाटील यांनी बाजी मारली आहे. मुख्यमंत्री एकनाथ शिंदे यांनी वाशीच्या छत्रपती शिवाजी महाराज चौकात पोहोचत मनोज जरांगे यांना सरकारकडून काढण्यात आलेला जीआर (शासकीय अध्यादेश) सुपूर्द केला. तसेच यावेळी मुख्यमंत्र्यांनी मनोज जरांगे यांची गळाभेट घेत पाठ थोपटली. मुख्यमंत्र्यांच्या हस्ते मनोज जरांगे यांनी उपोषण सोडले. महाराष्ट्राच्या राजधानीत मराठा समाजाची झालेली एकजूट पाहून महाराष्ट्र सरकारला आरक्षणासंबंधीचा अध्यादेश काढावा लागला. हीच एकजूट मराठा समाजाने सीमाभागातही दाखवावी, असे प्रतिपादन सकल मराठा समाज बेळगावचे नेते रमाकांत कोंडुस्कर यांनी केले.

रविवारी बेळगाव सकल मराठा समाजाच्यावतीने छत्रपती शिवाजी महाराज उद्यान येथे विजयोत्सवाचे आयोजन करण्यात आले होते. यावेळी बेळगाव सकल मराठा समाजाचे पदाधिकारी मोठ्या संख्येने उपस्थित होते. नूल, (ता. गडहिंग्लज, कोल्हापूर) येथील भगवानगिरी महाराज व रमाकांत कोंडुस्कर यांच्या हस्ते छत्रपती शिवाजी महाराजांच्या प्रतिमेचे पूजन करून सीमाभागातील मराठा समाज एकवटला होता. सरकारने महाराष्ट्रातील मराठा समाजाला आरक्षणासंबंधीचा अध्यादेश जारी केला. या आरक्षणाचा फायदा बेळगावसह संपूर्ण सीमाभागातील मराठा समाजाला देखील होणे गरजेचे आहे. यासाठी महाराष्ट्राचे मुख्यमंत्री तसेच अधिकाऱ्यांकडे पाठपुरावा केला जाईल, असेही यावेळी सांगण्यात आले.

यावेळी नेते प्रकाश मरगाळे, महादेव पाटील, शंकर बाबली, आर. एम. चौगुले, गणेश दड्डीकर, गुणवंत पाटील, अंकुश केसरकर, अँड. अमर येळ्ळूरकर, सुनील जाधव, चंद्रकांत कोंडुस्कर, शिवाजी हावळाण्णाचे, संजय मोरे, प्रा. आनंद आपटेकर, सागर पाटील या प्रमुख पदाधिकाऱ्यांसह कार्यकर्ते आणि मोठ्या संख्येने मराठा समाजबांधव उपस्थित होते.

Belgaum Maratha Reservation Ramakant Konduskar belgav belagavi belgavkar explore digital india
belgavkar news | digital india
explore digital india | belgaum news

Maratha Reservation Ramakant Konduskar

Maratha Reservation Ramakant Konduskar