दिगंबर मुनी परंपरेचे आचार्य श्री विद्यासागर जी महाराज यांनी काल (शनिवारी) मध्यरात्री 2.35 वाजता छत्तीसगडमधील डोंगरगड येथील चंद्रगिरी तीर्थ येथे देह त्याग केला. ते आचार्य ज्ञानसागर यांचे शिष्य होते. आचार्य ज्ञानसागर यांनी समाधी घेतल्यानंतर त्यांनी आपले आचार्यपद मुनी विद्यासागर यांच्याकडे सोपवले होते. वयाच्या अवघ्या २६ व्या वर्षी २२ नोव्हेंबर १९७२ रोजी मुनी विद्यासागर आचार्य बनले (Jain Muni Acharya Vidhyasagar Maharaj).
पूर्ण जागृत अवस्थेत त्यांनी आचार्य पदाचा त्याग केला आणि 3 दिवस उपवास धरून अखंड मौन पाळले, त्यानंतर त्यांनी आपल्या प्राणांचा त्याग केला. हे वृत्त समजताच डोंगरगड येथे जैन समाजाचे लोक जमायला सुरुवात झाली आहे. गेल्या वर्षी 5 नोव्हेंबरला पंतप्रधान मोदींनी डोंगरगड येथे मुनी श्रींचे आशीर्वाद घेतले होते. त्यानंतर त्यांनी सोशल मीडियावर लिहिले की, आचार्य श्री 108 विद्यासागरजींचा आशीर्वाद मिळाल्याने मी धान्य झालो.
त्याचप्रमाणे आचार्य विद्यासागर महाराज यांनीही तीन वर्षांपूर्वी आपल्या आचार्यपदाचा त्याग करून आपले आचार्यपद त्यांचे आद्य शिष्य ऋषी शिष्य निर्णयक श्रमण मुनी श्री समयसागर यांच्याकडे सोपवले. ६ फेब्रुवारीलाच त्यांनी मुनी समयसागर आणि मुनी योगसागर यांना खाजगीत बोलावून त्यांच्याकडे जबाबदारी सोपवली होती, असे सांगण्यात येत आहे.
आचार्य विद्यासागर महाराज यांचा जन्म कर्नाटकातील बेळगाव जिल्ह्यातील चिकोडी तालुक्यातील सदलगा गावात 1946 मध्ये शरद पौर्णिमेच्या दिवशी 10 ऑक्टोबर रोजी झाला. आचार्य विद्यासागर महाराज यांना ३ भाऊ आणि २ बहिणी आहेत. आचार्य विद्यासागर महाराज यांच्या बहिणी स्वर्णा आणि सुवर्णा यांनीही त्यांच्याकडून ब्रह्मचर्य धारण केले. आचार्य विद्यासागर महाराज यांनी आत्तापर्यंत ५०० हून अधिक दीक्षा दिल्या आहेत. अलीकडेच 11 फेब्रुवारी रोजी, आचार्य विद्यासागर महाराज यांचा गिनीज वर्ल्ड रेकॉर्डमध्ये विश्वाचा देव म्हणून गौरव करण्यात आला.
नोव्हेंबरमध्ये छत्तीसगड निवडणुकीपूर्वी पंतप्रधान मोदींनी आचार्य विद्यासागर महाराज यांचीही भेट घेऊन त्यांचे आशीर्वाद घेतले होते. आचार्य विद्यासागर महाराज हे लोककल्याणासाठी ओळखले जातात. गरीबांपासून तुरुंगातील कैद्यांपर्यंत सर्वांसाठी त्यांनी काम केले. आचार्य विद्यासागर महाराज नेहमी देशासाठी ‘इंडिया नव्हे , भारत बोला’ असे म्हणत आणि हिंदी राष्ट्र आणि हिंदी भाषेच्या संवर्धनासाठी ते नेहमीच आघाडीवर होते.
Jain Muni Acharya Vidhyasagar Maharaj Passes Away
Jain Muni Acharya Vidhyasagar Maharaj Passes Away
Jain Muni Acharya Vidhyasagar Maharaj Passes Away
belgavkar news | digital india
explore digital india | belgaum news
belgaum news
belgavkar advertisement | बेळगावकर जाहिरात
📲 Business Advertisement 📣
- WhatsApp Group : 100 (75k members)
- WhatsApp Channel : 1k followers
- Facebook : 33k followers
- Telegram : 1k subscribers
Call / WhatsApp : 918073540138, 918892211310
Classified Ads : job recruitment / business / property / notice / personal / education / announcements