बेळगाव : जमीन वादातून हाणामारी, 8 जण जखमी

बेळगाव—belgavkar : जमीन वादातून दोन गटात झालेल्या हाणामारीत 8-10 जण जखमी झाले आहेत. शुक्रवारी दुपारी काकती येथे ही घटना घडली आहे. यासंबंधी काकती पोलीस स्थानकात एफआयआर दाखल करण्यात आली आहे. हाणामारीतील आठ जखमींवर सिव्हिल हॉस्पिटलमध्ये उपचार करण्यात आले.

आठपैकी सात जणांना उपचाराअंती घरी पाठविण्यात आले असून अनिल सोमनाथ मुंगारी (वय 30 रा. काकती) याला सिव्हिलमध्ये दाखल केले आहे. यासंबंधी शुक्रवारी रात्री काकती पोलीस स्थानकाशी संपर्क साधला असता जमीन वादातून हाणामारी झाली आहे. कारवाईची प्रक्रिया सुरू असल्याचे पोलिसांनी सांगितले.

Clash over land dispute 8 injured Kakti Belgaum

Clash over land dispute 8 injured Kakti Belgaum