बेळगाव : मांजरी-येडूर रस्त्यावर अपघातात 2 जण जागीच ठार

बेळगाव—belgavkar-चिकोडी : दुचाकी झाडाला धडकून झालेल्या अपघातात 2 ऊसतोड मजूर जागीच ठार झाल्याची घटना मांजरी-येडूर रस्त्यावर मंगळवारी घडली. अन्य दोघेजण गंभीर जखमी झाले असून त्यांना बेळगाव येथील सरकारी रुग्णालयात करण्यात आले आहे. दाखल अनूज भोसले (वय 27) व सुनील शिंदे (वय 25, रा. डोनरवाडी, मराठवाडा-बिड) अशी मृतांची नावे आहेत. गुणाजी शिंदे (वय 23) व श्रावण सोनवणे (वय 45) हे जखमी झाले आहेत.

येडूर येथे ऊस तोडणीसाठी आलेले हे मजूर एकाच दुचाकीने मांजरी येथे मद्यप्राशन करून परत येडूरला जात होते. येडूर रस्त्यावरील वळणावर दुचाकीवरील ताबा सुटल्याने दुचाकी झाडावर जाऊन आदळली. या अपघातात दोघे ठार तर दोघे जखमी झाले. घटनास्थळी अंकली पोलिसांनी पाहणी केली. घटनेची नोंद अंकली पोलिस ठाण्यात झाली आहे.

चिकोडी शासकीय रुग्णालयात शवविच्छेदन करून मृतदेह नातेवाईकांच्या ताब्यात देण्यात आले. उपनिरीक्षक के. बी. जकन्नावर पुढील तपास करत आहेत.
Belgaum Manjari Yedur road accident two killed belgavkar belgav belagavi

belgavkar