बेळगाव : हरियाली हाॅटेलजवळ भीषण अपघातात विद्यार्थी ठार

बेळगाव—belgavkar : जुन्या पुणे-बंगळूर मार्गावर थांबलेल्या ट्रकला भरधाव मोटारीची जोरात धडक बसून वैद्यकीय शिक्षण घेणारा विद्यार्थी ठार झाला. हा अपघात बुधवारी पहाटे अडीचच्या सुमारास घडला. मोटारीमधील आणखी दोघे गंभीर जखमी आहेत. त्यांच्यावर खासगी रुग्णालयात उपचार सुरू आहेत. सौरभ सदाशिव कांबळे (वय 26, रा. जमखंडी) असे मृत विद्यार्थ्यांचे नाव आहे. गिरीष करेण्णावर आणि चेतन दरेगौडर जखमी आहेत.

पोलिसांनी सांगितले की, सौरभ बीएएमएसचा विद्यार्थी. मंगळवारी तो मित्रासोबत येथील अलारवाडला जेवणासाठी गेला होता. तेथून परत येताना ओल्ड पीबी रोडला (हरियाली हाॅटेलजवळ) थांबलेल्या ट्रकला मोटार कारने धडक दिली. यावेळी सौरभ मोटार कार चालवीत होता. धडक जोरात बसल्यामुळे तो अत्यवस्थ झाला. त्याला तातडीने रुग्णालयात दाखल करण्यात आले; मात्र, त्याला प्रतिसाद मिळाला नाही. अन्य दोघा जखमींना खासगी रुग्णालयात दाखल केले असून, त्यांची प्रकृती स्थिर आहे. बेळगाव दक्षिण वाहतूक पोलिस ठाण्यात याची नोंद आहे.

Belgaum accident doctor dies yediyurappa road belgavkar Belgaum belgav belagavi belgaum