बेळगाव : 5 जणांना अटक

व्यापाऱ्याला लुटून दागिने व किमती वस्तू लांबविल्या

बेळगाव—belgavkar : सहा महिन्यांपूर्वी सौंदत्ती येथील व्यापाऱ्याला लुटून दागिने व किमती वस्तू लांबविणाऱ्यांना अखेर सौंदत्ती पोलिसांनी जेरबंद केले. अल्पवयीनसह 5 जणांना अटक केली.

महम्मद इमामसाब कल्लेद (रा. सौदत्ती), मुतण्णा यल्लाप्पा गुत्तेदार (रा. लिंगसूर), लालसाब रामपूर (रा. तिगडोळी), इब्राहिम अकबर तिगडोळी (रा. सौदत्ती) यांना अटक केली आहे. पाचवा संशयित अल्पवयीन असून बालअपराध विभागाकडे त्याला सोपविले. त्यांच्याकडून दागिने, वाहनासह किमती वस्तू मिळून 8 लाख 66 हजाराच्या वस्तू जप्त केल्याची माहितीजिल्हा पोलिसप्रमुख डॉ. भीमाशंकर गुळेद यांनी पत्रकार परिषदेत दिली.

डॉ. गुळेद म्हणाले, सौदत्ती येथील शांतीनगरमध्ये 24 ऑगस्टला दुचाकीवरून आलेल्या अशोक बागेवाडी (रा. सौदत्ती) यांना अडविले आणि लुटले. सोन्याचे दागिने व पैसे आणि वाहन काढून घेतले. यामुळे सौंदत्ती पोलिसांत गुन्हा दाखल झाला. मात्र, चौकशीत बागेवाडी यांच्यावर झालेला हल्ला हा पूर्वनियोजित होता. त्यामुळे पोलिसांनी दरोडा म्हणून याची नोंद करून तपास सुरु ठेवला होता. संशयितांकडून सोनसाखळी, सोन्याचे ब्रेसलेट, मोबाईल, मोटारसायकल मिळून 8 लाख 66 हजारांचा मुद्देमाल जप्त केला.

फिर्यादी अशोक बागेवाडी यांची ओळख मुख्य संशयित मुहम्मद कल्लेद याच्याशी होती. ओळखीतून अशोक यांनी 50 हजारांचे कर्ज कल्लेद यांना दिले होते. ही रक्कम कल्लेद यांनी परत केली. मात्र, या व्यवहार दरम्यान बागेवाडी यांच्याकडे मोठ्या प्रमाणात दागिने असल्याचे आढळून आले. कल्लेदने साथीदारांच्या मदतीने लुटले. यल्लम्मा डोंगर येथे आलेल्या मित्रांनी कटात सहभागी करून घेऊन लुटले. मात्र, चौकशी आणि विविध बाबींची पडताळणी केल्यानंतर त्यांना अटक झाली आहे. यामुळे सौदत्ती पोलिस निरीक्षक आणि त्यांच्या पथकाला योग्य बक्षीस दोऊन गौरवले जाणार आहे, अशी माहिती पोलिसप्रमुखांनी दिली.

Belgaum Saundatti Police arrested 5 robbery thives belgavkar Belgaum belgav belagavi belgaum

Belgaum Saundatti Police arrested 5 robbery

Belgaum Saundatti Police arrested 5 robbery