बेळगाव : 2 जणांना अटक, लॉजमध्ये मृत्यू

बेळगाव—belgavkar : निपाणी : पुणे-बंगळुर राष्ट्रीय महामार्गावरील शहराबाहेरील लॉजमध्ये तिसऱ्या मजल्यावरून पडल्याने कर्मचारी किरण गणपती भिर्डेकर (वय 46, रा. भीमनगर, तिसरी गल्ली, निपाणी) याचा जागीच मृत्यू झाला होता. या प्रकरणी शहर पोलिसांनी बाळाप्पा गुडगेनहट्टी (वय 25, रा. जोडीहाळ, बंबरगा ता. बेळगाव) व नितेश कित्तुर (वय 28, रा. वैभवनगर-बेळगाव) या दोघांना शहर पोलिसांनी अटक केली.

बेळगावच्या हिंडलगा कारागृहात त्यांची रवानगी केल्याची माहिती मंडल पोलिस निरीक्षक बी. एस. तळवार यांनी दिली. याबाबत अधिक माहिती अशी, मयत किरण हा लॉजवर कर्मचारी होता. याप्रकरणी शनिवारी निपाणी शहर पोलिसांनी तपासाची चक्रे गतिमान करून दोघा संशयितांना ताब्यात घेऊन चौकशी केली. दोघांनी आपण मोबाईलवर लॉजमधील शूटिंग करीत किरणला ब्लॅकमेलिंग करीत धमकावल्याची कबुली दिली. किरण याने घाबरून लॉजच्या दुसऱ्या मजल्यावरून उडी मारल्याने जागीच मृत्यू झाल्याचे तपासात स्पष्ट झाले.

त्यानुसार पोलिसांनी दोघा आरोपींवर कलम 306 नुसार आत्महत्येस प्रवृत्त केल्याप्रकरणी गुन्हा नोंद करून अटक करून निपाणी न्यायालयापुढे हजर केले. न्यायालयाने दोघांचीही बेळगावच्या हिंडलगा कारागृहात रवानगी केली आहे. पुढील तपास मंडल पोलिस निरीक्षक तळवार हे करीत आहेत. निपाणी शहर पोलिस ठाण्यात या घटनेची नोंद झाली आहे.

Belgaum Nipani Lodge Worker Dies Arrested belgavkar Belgaum belgav belagavi belgaum

Belgaum Nipani Lodge Worker Dies Arrested belgavkar