बेळगाव : पाण्याच्या टाकीत पडून बालिकेचा मृत्यू

बेळगाव—belgavkar : घरातील पाण्याच्या टाकीत पडून 2 वर्षांच्या बालिकेचा मृत्यू झाला. बुधवारी सकाळी 8.30 सुमारास मुजावर गल्लीतील आईच्या घरी ही दुर्घटना घडली. ओवी संतोष पवार (वय 2, भवानीनगर) असे तिचे नाव आहे. याबाबत मिळालेली अधिक माहिती अशी, ओवी ही आजीच्या घरी मुजावर गल्ली येथे आली होती. ओवी ही घरात खेळत होती. यावेळी पाणी आल्यामुळे मोटार लावून पाणी सुरु केले होते.

घरातच पाण्याची टाकी असल्याने पाण्याच्या टाकीवरील झाकण थोडेसे बाजूला केले होते. खेळताना ती अचानक पाण्याच्या टाकीत पडली. बराच वेळ घरच्यांचे याकडे लक्ष गेले नाही. त्यामुळे तिचा बुडून मृत्यू झाला. खडेबाजार पोलिसांत घटनेची नोंद झाली असून पोलिस अधिक तपास करीत आहेत.

Belgaum Mujawar Galli Girl Drown Water Tank belgav belagavi belgavkar explore digital india

Belgaum Mujawar Galli Girl Drown Water Tank