बेळगावातील मराठी भाषिकांनी लक्षात ठेवावे की ते कर्नाटकचे आहेत — उपमुख्यमंत्री डी. के. शिवकुमार

बेळगाव—belgavkar कर्नाटक (बेंगळुरु) : राज्याचे उपमुख्यमंत्री डी. के. शिवकुमार यांनी कर्नाटक राज्याच्या एकात्मतेसाठी योगदान देण्यासाठी सर्व नागरिकांच्या सामूहिक जबाबदारीवर प्रकाश टाकला. कर्नाटक प्रदेश काँग्रेस कमिटी (KPCC) कार्यालयाजवळ पत्रकारांशी बोलताना शिवकुमार यांनी कर्नाटकला मातृभूमी आणि कन्नड ही राज्यातील प्रत्येकाची भाषा म्हणून ओळखण्याच्या महत्त्वावर भर दिला. बेळगावातील मराठी भाषिक कर्नाटकाचेच आहेत. कर्नाटक आणि कन्नड भाषेला अग्रक्रम दिला पाहिजे. मराठी भाषिकांनी लक्षात ठेवावे की ते कर्नाटकचे आहेत.

काँग्रेस प्रदेश कार्यालयासमोर प्रसारमाध्यमांशी बोलताना ते म्हणाले, बेळगाव ग्रामीण भागातील जनतेला सरकारने भरपूर सुविधा दिल्या आहेत (₹ 900 कोटी पाण्यासाठी). ते कर्नाटकची हवा आणि पाणी वापरतात (हवा आणि पाणी निसर्गाची देणगी असतानाही हवा आणि पाण्यावर हक्क गाजवला). कर्नाटकाच्या जमिनीवर राहतात. इथेच व्यवसाय करतात. लोकसभा निवडणुकीच्या पार्श्वभूमीवर मराठी लोकांची सहनभुती मिळावी आणि दुसरीकडे समितीला टार्गेट करण्याचा हा प्रकार होता.

Belgaum Marathi Speaking People DK Shivkumar belgav belagavi belgavkar explore digital india

Belgaum Marathi Speaking People DK Shivkumar